Italia Eventi 24
LinguaIT
CÙMBIA E NON FINITO SARDO SONAUS DE MALA MANERA

Ma ita nc’intrat su Non finito cuartesu cun sa cùmbia colombiana? Eh, nc’intrat, nc’intrat. Primu primu tocat a nai ita est su Non finito. Su Non finito funt cuddas domus a faciada de brochetus o de matonis chi agataus in totu is cussòrgias sardas, nàscias cun sa “fùria modernista” e s’arribu de s’arrichesa, chi nd’ant sciusciau is domus campidanesas po si ndi pigai su bonu de su paesàgiu urbanu sardu. De custu paesàgiu est nàsciu Malasorti, su progetu dub de Franciscu Medda Arrogalla (eletrònica), Emanuele Lele Pittoni (fueddus e boxi) e Franciscu Bachis (trumba). Is primus duus funt cuartesus, bidda chi de Non finito ndi scit calincuna cosa, e s’atru est silicruaxu.

De custu amesturu de fueddus sardus, dub, cùmbia, trumba e paesàgius urbanus ndi benit finas su audiulìburu Mala Manera, ca impari a su lìburu nc’agatais S’ardicity, su primu discu pubricau de S’ard music, che a custu etotu. Dexi cantzonis allirgas e biatzas, cun fueddus sardus beni assetiaus e praxilis, e una sceti sonada a ghitarra de Sergio Benoni. In su lìburu ddui agatais duas presentadas, de Giacomo Serreli e de Micheli Palmas, totu is cantzonis e atras tres partis scritas de is cumponentis de Malasorti. Medda contat de sa vida de unu piciocu de is annus ‘80 chi s’est pesau in Cuartu, tra domus campidanesas e brochetus, cantadoris e reggaeton, hip hop e mangonis, Bachis de su paesàgiu umanu chi nd’at strantaxau su Non finito, sa manera de arrexonai e s’antropologia chi ddui est apalas. Pittoni presentat otu contus curtzus de issu, aundi s’umanidadi est cudda chi s’autori contat de prus, su sutaproletariau urbanu, cun is cosas suas, is modas, is gustus, is vìtzius chi tenint is chi bivint in is periferias urbanas prus popularis, contaus amesturendi apari italianu e sardu de manera spassiosa e sintzilla.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español