Italia Eventi 24
LinguaIT
Dae su 16 a su 22 de cabudanni sa de binti editziones de sa “Chida europea de sa Mobilidade”

Custa editzione ispetziale de su de binti annos, intitulada “Move-ti sustenìbile … e in salude” cheret sutaliniare is chistiones de sa seguresa e de sos sèberos sanos de mobilidade sustenìbile: pro cussu, a sos tzitadinos europeos los apretant pro chi istent bene in su corpus e in sa mente, iscoberrende sas bellesas de sas tzitades, e pro chi mustrent cunsideru e respetu pro s’ambiente e pro sa salude de sos àteros in su sèberu de comente si transire.

S’islogan “Move-ti sustenìbile … e in salude” ammentat sas dificultades chi su mundu intreu at connotu in sa pandemia de sa Covid-19 e est fintzas un’invitu a meledare in contu de sas oportunidades de mudadura chi naschent dae custa crisi sanitària chi non si fiat connota mai. E in contu de custu tema sas tzitades e sas amministratziones locales ant frunidu inditos noos, mai bidos, e sa Chida europea de sa mobilidade cheret afestare sa manera comente totu sas tzitades ant paradu fronte a sa pandemia, in s’àndala de sas punnas de ocannu passadu, comente a sa crèschida de sa mobilidade ativa e s’impreu de formas de mobilidade cun pagu o nudda incuinamentu.

Su Ministeru de sas Infrastruturas e de sa Mobilidade sustenìbile (Mims), giai dae cando at mudadu su nùmene suo, at dadu atentu mannu a sa chistione de sa mobilidade sustenìbile, sutaliniende – fintzas gràtzias a sa nàschida de unu Dipartimentu a s’aposta – s’importu de abbiatzare sa mòvida econòmica noa de su Paisu a manera sustenìbile, fintzas in sa carrera sotziale e ambientale, ischerende un’idea de isvilupu in s’àndala de sas polìticas europeas de oe e sighende sos printzìpios de su Next Generation Eu.

Sos finantziamentos pro sa mobilidade sustenìbile chi su Mims amegat de contivigiare sunt mannos: arribant dae su PNRR (Pranu natzionale pro sa mòvida noa e pro nde essire de sas dificultades ingendradas dae sa pandemia), dae su Finantziamentu cumplementare e dae àteras fontes natzionales e comunitàrias.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español