Italia Eventi 24
LinguaIT
Decretu nou, torrat sa zona groga (ma no in Sardigna)

Su decretu nou aprovadu dae su Guvernu istabilesset sas règulas dae su 26 de abrile a su 31 de trìulas, cando at a agabbare fintzas s’istadu de emergèntzia (perlongadu, duncas, de àteros tres meses).

Zonas grogas, in colore de arantzu, rujas e transiduras. Dae su 26 de abrile, duncas, torrant is zonas grogas. Pro sa situatzione de sa Sardigna at a tocare a isetare custa coa de chida, pro bìdere ite at a istabilèssere sa Cabina de regia. Pro si pòdere transire in intrada e in essida dae sas Regiones chi sunt in zona in colore de arantzu o rujas serbit a tènnere sa tzertificatzione birde. Abarrat su proibimentu de essire intra de sas deghe de note e sas chimbe de mangianu.

Tzertificatzione birde – Est unu documentu chi a primìtzios podet èssere de paperi o digitale, de dura de ses meses, e chi cumproat chi su tzitadinu at fatu su vatzinu (duas doses) o, s’in casu at passadu sa Covid-19, chi si siat negativizadu. In fines, pro chie no est ancoras vatzinadu o no at passadu sa Covid-19, su tzertificadu birde podet cumproare chi s’est fatu unu tampone molecolare in sas duas-tre dies in antis.

Iscola – Dae su 26 de abrile e fintzas a s’agabbu de s’annu de iscola 2020-2021, in totu su territòriu natzionale aberint sas iscolas de sa pipiesa, sas iscolas primàrgias (elementares), sas iscolas segundàrias de primu gradu (mèdias). Pro su chi pertocat s’iscola segundària de segundu gradu (istitutos tècnicos, litzeos, etc.), in sas zonas rujas, sas fainas didàticas in presèntzia sunt asseguradas totu a su prus pro su 75 % de is istudiantes.Ristorantes e pitzerias – Si sunt in zona groga, dae su 26 de abrile podent abèrrere siat pro pràndere siat pro chenare cussos locales chi podent fàghere sètzere a sos clientes in logu abertu. Chie non pòdet cuncordare mesas in logu abertu at a dèpere isetare fintzas a su 1 de làmpadas.

Pischinas, palestras e fieras – Dae su 15 de làmpadas, in zona groga, s’ant a pòdere torrare a cuncordare sas fieras in presèntzia. Dae su 1 de trìulas s’ant a pòdere torrare a cuncordare addòbios, cunvegnos e cungressos. Semper dae su 1 de trìulas in zona groga sunt permìtidas sas aberturas de sos tzentros termales, de sos parcos temàticos e de ispàssiu.

Ispetàculos – Dae su 26 de abrile, in zona groga, s’ant a pòdere fàghere sos ispetàculos cun su pùblicu in salas de teatru, de cuntzertu, tzìnemas e in àteros locales, bastet chi sas cadiras siant assignadas in antis e chi si respetet su tretu de a su mancus unu metru intra de una persone e s’àtera. In sas salas non si podent impreare prus de su 50 % de sos postos chi bi sunt.

SardegnaEventi24.it

1676 eventi pubblicati

479 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español