Italia Eventi 24
LinguaIT
Duos cuntzertos de sos Tazenda in S’Alighera

Su programma de s’Assòtziu musicale Laborintus pro sas fainas de istadiale cuncordadas dae sa Fundatzione S’Alighera acabbat cun duos cuntzertos de sos Tazenda. Su 13 de austu in Lo Quarter si previdet sa presentada de “Antìstasis”, s’ùrtimu album de sa cambarada, mentras su 14 de austu in su nuraghe Palmavera s’at a presentare “Arkeos Tazenda”, un’ispetàculu de immàgines, mùsica e faeddos pro iscobèrrere sas bellesas de s’archeologia sarda.

Connotu e annoadura, pro contare contos a cumone e pro connòschere sa sienda culturale sarda. Pro sa serrada de su programma chi s’Assòtziu musicale Laborintus at cuncordadu a intro de sas fainas de istadiale de sa Fundatzione S’Alighera ammisturant a pare mùsicas de su connotu e mùsicas de dies de oe.

Sàbadu 13 de austu, a sas noe de sero, in Lo Quarter sos Tazenda ant a presentare s’album nou “Antìstasis”, formadu dae 11 cantzones cantadas in sardu e in italianu. Unu progetu musicale chi ponet paris sos sonos de s’eletrònica de dies de oe cun cussos ispantosos de sas launeddas, sos otones e s’arpa cun sas tastieras, su digitale e su connotu. Custu traballu nou est fatu de contos de vida do ònnia die e naschet dae su disìgiu de esploratzione de Gino Marielli, dae s’atentu pro sos produsimentos modernos de Gigi Camedda e dae sa chirca de un’istile e de una boghe simpre de Nicola Nite.

Domìnigu 14 de austu, a sas noe de sero, su nuraghe Palmavera at a fàghere a cornissa de unu biàgiu fatu cun immàgines, mùsicas e faeddos in su patrimòniu archeològicu e culturale sardu. Cun immàgines ispantosas, “Arkeos Tazenda” mustrat sos paesàgios diferentes de s’Ìsula, dae sas costeras de su mare a sas cussòrgias de a intro, dae sas prajas a sos montes, gràtzias a s’agiudu de fotògrafos sardos e istràngios.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español