Italia Eventi 24
LinguaIT
FABRIZIO VELLA OPERADORI CURTURALI FAINERI

Certus operadoris curturalis in Sardìnnia funt aici faineris chi no benit a beni a contai totu su chi faint. Fabrizio Vella de Ortullè est unu de custus. Adotorau in lei, no at fatu s’abogau in sa vida ma s’est postu a traballai po sa terra sua cun amori e passioni. Oi est faendi s’imprendidori turìsticu in bidda sua, cun sa sotziedadi Chìntula, aundi proponint escursionis in su Supramonti, sa noti in Supramonti e sa ghia a Gorropu, su spèrrumu famau de su sartu de Ortullè chi lompit fintzas a Orgòsolo.

Su traballu in bidda est meda aici etotu. Tra is ùrtimas cosas su muralismu, chi partendi de is fotografias de Ugo Pellis, linguista friulanu chi iat abisitau sa Sardìnnia in is annus ‘30, e gràtzias a sa manu de s’artista sparadesu Àngiulu Pilloni, est imbellendi sa bidda cun pinturas de amirai. Vella est connotu in logu nostu prus de totu po Su campionau sardu de sa murra, su primu autorizau de manera ofitziali, ca sa murra fut proibia, e chi at torrau a lanciai su giogu in mesu de is giòvunus puru e at fau nasci su Atòbiu internatzionale de ‘os murradores de su Mediterraneu, cun giogadoris de totu su mundu.

De no scaresci su lìburu Mannorri (Delfino), atru traballu mannu chi torrat a contai sa stòria de custa bidda ollastina spèrdia, cun is arregordus de is bècius e is fontis chi at pòtziu agatai, po ndi torrai a bogai a luxi giai totu de custa genti, fueddada, cantus e socialidadi fintzas a s’acabu. E sa mùsica puru, cun d-unu discu pubricau Inoghe, cun cantzonis e mùsicas scritas de issu e òspitis cumenti a Joe Perrino, e vìdius po Gigi Riva e Aquilino Cannas. E ancora promotzioni po is produtzionis de is pastoris, documentàrius po is animalis de su sartu, po su cantu a tenore, po is costumàntzias antigas, po su prus in sardu e cun cudda stima chi no dd’amancat mai.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español