Italia Eventi 24
LinguaIT
Fèstival culturale Liberevento, s’8 de trìulas comintzat sa de X editziones

Deghe candeleddas pro Liberevento, su fèstival culturale chi s’est fatu oramai s’apuntamentu prus de importu de is istadiales de su Sulcis. Dae s’8 de trìulas fintzas a su 21 de austu sa manifestatzione cuncordada dae s’assòtziu Contramilonga, cun sa ghia artìstica de su giornalista e iscritore Claudio Moica, at a propònnere prus de trinta apuntamentos chi ponent paris addòbios cun sos autores, mùsica e màndigos bonos. Pro s’ocasione s’abetant unos bìndighi grandos autores chi ant a lòmpere dae totu Itàlia e, intra de issos, Toni Capuozzo, Beppe Severgnini, Roberta Bruzzone, Gad Lerner, Antonio Caprarica, Francesco Abate, Carlo Cottarelli, Paolo Crepet, Emanuela Nava, pro nde remonare unos cantos.

Sa fòrmula at a èssere semper cudda de su fèstival ispartu in su Sulcis, cun firmadas in Igrèsias, Portescusi, Gonnesa, Carloforte, Cadesedda e, pro sa prima borta, Sant’Antiogu. Ma tres addòbios si prevident fintzas in Macumere.

A pustis de s’anteprima in streaming, fata dae martzu a su mese de làmpadas in Facebook, Liberevento torrat duncas in presèntzia. Ma non tocat a si nde ismentigare de sa pandemia: e, pro cussu, su sutatìtulu seberadu pro s’editzione targada 2021 est Libertà 2.0, una manera pro meledare in contu de comente sas libertades nostras apant sufridu meda in s’ùrtimu annu.

Si comintzat s’8 de trìulas dae Sant’Antiogu, in ue in bia Casteddu (logu ispantosu in dae in antis de sa necròpoli) b’at a arribare su reporter istravanadu Toni Capuozzo pro presentare, paris cun su giornalista Carlo Floris, s’ùrtimu libru suo Lìteras dae unu paisu serradu (Sings Publishing), sa fotografia de un’Itàlia serrada pro more de sa corantena pro su Coronavirus. Capuozzo at a fàghere tres addòbios, pro ite ca sa die in fatu s’iscritore at a èssere in Macumere – a sas noe e mesu de sero in sa pratza de sa biblioteca, cun Claudia Sanna – e sàbadu semper a sas noe e mesu de sero in Gonnesa, in su logu bellu de su Nuraghe Seruci, in ue s’at a fàghere una resonada cun su giornalista Gianni Zanata.

SardegnaEventi24.it

1755 eventi pubblicati

526 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español