Italia Eventi 24
LinguaIT
GIORNATA AVARA DE MICHELE ATZORI

Michele Atzori allomingiau Dr Drer est un’arrogu de stòria de Casteddu, musicali e polìtica puru, fata de militàntzia e de impènniu. Sa truma sua de arrepadoris, cumenti narat issu etotu, est de cuddas chi ant fatu sa stòria, Dr Drer e Crc Posse. Nàscius in su 1991, giai de printzìpiu nc’ant postu in mesu su sardu e is sonus traditzionalis ma amesturendiddus cun rap e reggae.

 

A s’acabu de is annus ‘90 cumintzant a bessiri is produtzionis de issus, a primu sceti cun su dj Alex P ma crescendi a bellu a bellu fintzas a arribai a sa formatzioni de oi, cun Mauro Mou, Giorgia Loi, Giovanni Siccardi e Frichi Dessì. Is ùrtimus discus Terra mia, Cosa bella frisca e Cabudanni ant cunfirmau Dr Drer tra is artistas prus fortis de sa scena sarda, in mesu prèmius in su Suns e su Liet Festival, po cantzonis in lìnguas minoritàrias e featuring de Papet J (Massilia Sound System), Assalti Frontali, Enzo Saporito (Kenze Neke) e atrus.

 

Ma torreus a su lìburu. Giornata Avara est un’autoprodutzioni, bèndia a prètziu polìticu, 7 èurus 190 pàginis, un’arregorta de contus curtzus chi contant sa vida de s’autori. E no funt medas is chi si podint permiti de pubricai un’autobiografia ma Atzori est unu de is pagus. Ca is contus no funt sceti contus de sa vida sua, ma contus de Casteddu e de sa Sardìnnia, batallas polìticas, su disterru, is basis militaris, sa lìngua sarda, sa stòria de is movimentus sardus contaus de unu chi ddus at bìvius. Cumenti a sa mùsica sua, est unu lìburu de impènniu e de sustàntzia ma est unu lìburu spassiosu puru, ca sa vida sua est stètia spassiosa diaderus. Machìminis fatus cun is amigus, pigadas in giru, brullas e scapadas in totu sa terra nosta, viàgius aforas e arrisus aundi totu est capitau. E cumenti in totu is mellus lìburus, abetaisì de arriri ma de pensai puru.

 

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español