Italia Eventi 24
LinguaIT
Il Crogiuolo: cumentzat, in lìnia, sa rassigna ABRILE RESISTENTE – Mai domados

Sa pandemia, oramai dae prus de un’annu, sighit a cunditzionare sas vidas nostras. Is setores de sa cultura e de s’ispetàculu sunt in suferèntzia manna, sos teatros sunt galu serrados cun iscunnortu mannu, sos artistas sos operadores sunt in suferèntzia issos puru. Ma medas apoderant, cun firmesa, non si rendent. Un esempru? Il Crogiuolo, sa cumpangia istòrica casteddaja fundada dae Mario Faticoni e ghiada dae Rita Atzeri chi, mancari bi siant custos impèigos, cuncordat sa rassigna ABRILE RESISTENTE, chi naschet dae e cheret favorèssere sa resilièntzia e chi presentat unu sutatìtulu càrrigu de significos: “Mai domados”.

Pro prus de unu mese, dae su 3 de abrile a su 7 de maju, at a andare in iscena in lìnia – ma, si si podent torrare a fàghere sos ispetàculos in presèntzia fìsica, si diat fàghere in sa Domo de sos Saddis, in Pirri – unu cartellone ricu e atrividu formadu dae 13 ispetàculos, chi s’ant a pòdere sighire in sa pàgina Facebook de Il crogiuolo/Fucina teatro.

“Abrile resistente” est s’ocasione chi nos permitet de faeddare de temas chi tenimus in su coro, ligados a sa Resistèntzia, a sa Democratzia, a sa Libertade, e non cun ispetàculos istòricos ebbia, duncas dedicados a su momentu cando fiat nàschida sa Resistèntzia, ma fintzas cun traballos chi nos permitent de bìvere cussos valores a dies de oe. In custu annu pandèmicu – narant sos de Il Crogiuolo – amus connotu unos cantos dibatos in contu de sas libertades de fundamentu de s’indivìduu, amparadas e asseguradas dae sa Costitutzione. E amus bidu, comente a sinnale perigulosu de custos tempos, una mancàntzia semper prus manna de respetu de chie non la pensat comente a su prus de sa gente. Duncas, sa faina nostra de artistas militantes est cussa de fàghere nàschere dudas, de fàghere preguntas, de pesare chistiones. E est pro cussu chi sa rassigna previdet fintzas propostas pro sos pipios. Paris cun sos apuntamentos prus “càrrigos” bi nd’at àteros prus “ligeros” – agabbant sos de Il Crogiuolo.

SardegnaEventi24.it

1665 eventi pubblicati

450 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español