Italia Eventi 24
LinguaIT
In Santu Pietroburgu s’inauguratzione de sa mustra “Sardigna ìsula megalìtica”

Emotzione manna in Santu Pietroburgu pro s’inauguratzione de sa mustra “Sardigna ìsula megalìtica. Dae sos menhir a sos nuraghes: contos de pedra in mesu de su Mediterràneu” in su Museu Istatale Ermitage, sa de duas firmadas de su caminu internatzionale chi sa mustra est faghende.

A pustis de Berlinu, in ue, mancari cun totu sas cautelas pro more de sa pandemia, sa mustra acasagiada in su Museu Natzionale pro sa Preistòria e Protoistòria at tentu unu sutzessu mannu, cun prus de 96.000 bisitadores, sos agiomai 200 repertos postos a disponimentu dae sos Museos de Casteddu, Nùgoro e Tàtari sunt lòmpidos a Rùssia. B’at fintzas unu gherreri mannu de Mont’’e Prama – un’imprèstidu istravanadu – chi contat s’ispantu de s’ìsula e sos rastros de unu tempus antigu chi issa galu chistit.

“Sardigna ìsula megalìtica” est sa mustra cuncordada dae sa Regione Autònoma de Sardigna – Assessoradu de su Turismu, Artesanadu e Cummèrtziu (chi faghet parte de unu progetu de Heritage Tourism finantziadu dae s’Unione europea), paris cun su Museu Archeològicu Natzionale de Casteddu, cun sa Diretzione regionale de sos Museos de Sardigna e cun sos Museos chi acasàgiant sa mustra – su Museu Natzionale pro sa Preistòria e sa Protoistòria de Berlinu, su Museu Istatale Ermitage de Santu Pietroburgu, su Museu archeològicu natzionale de Salonicco e su MANN, Museu Archeològicu Natzionale de Nàpoli. Sa mustra la patrotzinant su MAECI e su MIC, e gosat de s’agiudu de sa Fundatzione de Sardigna, cun su coordinamentu generale de su Villaggio Globale International.

Sa mustra, chi in sa tapa soviètica est agiudada fintzas dae s’Ambasciada italiana in Rùssia e dae s’Istitutu italianu de Cultura, at giai otentu sa medàllia de su Presidente de sa Repùblica.

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español