Italia Eventi 24
LinguaIT
In Sèdilo “Zenias de atòngiu”

“Zenias de atòngiu” fiat nàschida bator annos a como cun sa punna de promòvere s’identidade, sas traditziones e su ischire fàghere de sa bidda, una birdera pro fàghere a connòschere sa comunidade e pro criare una retza cun su ischire fàghere de sas àteras biddas de Sardigna e fintzas foras de s’ìsula.

Una faina pensada comente a una manifestatzione culturale e de promovimentu cun protagonista sa bidda de Sèdilo.

Pro ite ca Sèdilo no est sa bidda de s’Àrdia ebbia, ma est tessìngiu e arte, gastronomia e isport, folclore e identidade, religiosidade e traditzione, acasàgiu e orgòlliu sanu de acasagiare artistas meda, artesanos e produsidores de s’ìsula.

In sa manifestatzione, peri sas bias de su tzentru istòricu in ue s’at a fàghere s’addòbiu culturale, artìsticu e enogastronòmicu, s’at a cuncordare fintzas su parcu pro acasagiare sa mùsica de Ichnos.

Custa editzione at a comintzare cun unu cunvegnu in ue ant a faeddare sos sìndigos chi in Monteferru e in su Guiltzier ant dèpidu parare fronte custu istadiale passadu a sa liaga de su fogu.

In sos seros de sàbadu e de domìnigu su parcu at a acasagiare nùmenes de importu: su grupu cossu Andà, Matteo Scano, Easy Band, Claudia Aru, su Tenore de Bitzi, su grupu “Mialinu Pira”, Claudio Sanna cun su sonete, Paqujto Farina, I Nottambuli, Simone Pala cun su sax e àteros artistas istòricos de Ichnos. In s’addòbiu sos nonnos de Ichnos, Leonardo Marras e Giacomo Serreli, ant a presentare sas publicatziones “Un’intervista longa una vida” e “Boghes e Sonos. Baranta annos de mùsica extraculta in Sardigna. Dae su beat a su pop, dae su jazz a s’etnorock”.

In sa manifestatzione, Vittorio Sanna at a donare su prèmiu pro sa solidariedade a Gigi Riva, chi at fatu de sa Sardigna sa terra sua noa. In cussa ocasione s’at a presentare fintzas sa cantzone “Inno al mito. Orgoglio Rosso Blu” e su libru “Casteddu 1970 – Rastros a prus de sa paristòria” de Chine Vaganti.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español