Italia Eventi 24
LinguaIT
In su Ceas sighint sas fainas de educatzione ambientale

Su Tzentru pro s’Educatzione a s’Ambiente e a sa Sustenibilidade CEAS Lagu de Baratz de su Comune de Tàtari at torradu a cumentzare sas fainas dedicadas a sas iscolas, a pustis de sa firmada a mala bògia pro more de s’emergèntzia pandèmica. Unas cantas fainas las ant mudadas e adatadas a sas àndalas de formatzione sighidas a primìtziu de s’annu de iscola pro more ca is proibimentos pro sa Covid-19 no ant permìtidu de acasagiare sas cambaradas de dischentes in sa sea de su Tzentru. Est nàschida gasi s’idea de su progetu de “Giùghere Baratz a iscola”, a ue b’ant leadu parte 37 classes de 8 Istitutos cumprensivos de su territòriu comunale. Sos addòbios si sunt fatos in deretura in sas iscolas, in logu abertu, o cun sa didàtica a distàntzia, cun giogos ispassiosos e contos pro iscobèrrere s’ambiente naturale.

Fintzas su cursu de formatzione gratis pro una cambarada de 25 insegnantes de sas iscolas segundàrias de primu gradu e de sas iscolas segundàrias de segundu gradu de su Comune de Tàtari, intituladu “Àndalas possìbiles: a iscola de sustenibilidade – Laboratòrios didàticos pro insegnantes in contu de su clima, biodiversidade e ambiente” at cumentzadu dae pagu tempus sas fainas pràticas, a pustis chi in sa prima parte s’est traballadu a distàntzia in vìdeu-cunferèntzia. Su cursu punnat a cumprèndere sos mecanismos de su clima e a leare cussèntzia de su valore de sa biodiversidade e in contu de sas mudaduras suas pro more de comente totu est mudende su clima. In su mese de maju ant bisitadu sas seas de sos duos cumpàngios de progetu, su Ceas Monte Minerva e su Ceas AMP Tavolara – Capo Coda Cavallo, mentras si previdet pro su 5 de làmpadas sa bìsita a sa sea de su Ceas Lagu Baratz, chi at a serrare s’àndala de formatzione.

Sos insegnantes chi leant parte a su cursu sunt interessende a sos dischentes issoro pro pigare parte a unu cuncursu chi previdet su produsimentu de vìdeos in contu de sas cunsighèntzias de sas mudaduras de su clima. Totu sas fainas las ant a presentare in un’addòbiu pùblicu, in ue ant a premiare fintzas sa classe binchidora. Su prèmiu at a a èssere una bìsita cun fainas de educatzione ambientale a su Ceas Monte Minerva.

SardegnaEventi24.it

1755 eventi pubblicati

526 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español