Italia Eventi 24
LinguaIT
IN SU FÈSTIVAL ISRERAL ANTEPRIMA DE SU FILM “CHIRCHENDE A GRÀTZIA” DE MARIA GRÀTZIA PERRIA, PRODÙSIDU DAE SALVATORE CUBEDDU

Su 30 de maju in su TEN de Nùgoro, sa die de agabbu de su Fèstival ISREAL, s’at a projetare in anteprima su film “Chirchende a Gràtzia” de Maria Grazia Perria.

Ùndighi atoras giòvanas sardas, seberadas a pustis de una filera de provinos in lìnia, ant pigadu parte a unu laboratòriu/casting pro chircare a sa protagonista de unu film imbeniente in contu de sos annos de gioventude de Gràtzia Deledda.

Agiomai totus ant lassadu sa Sardigna a piticas, calicuna tenet sa residèntzia foras de Itàlia. L’ant fatu pro istudiare, pro acumprire sos bisos issoro, cun voluntade e atza, cun sa punna de propassare sas làcanas fìsicas e mentales. Siat chie est abarrada foras siat chie est torrada a Sardigna decrarat de àere unu raportu dificultosu e contradditòriu cun sa terra sua. Unu tema difìtzile, cussu de su ligòngiu cun sa terra nostra, chi s’autora at giai isboligadu in “Proet in su desertu” e chi s’est torradu a presentare forte fintzas custa borta, unu tema chi ant interessadu fintzas sa vida e s’òpera de Deledda.

In su laboratòriu/casting is atoras giòvanas ant mustradu faches de unu naturale sìmile a cussu de s’iscritora nugoresa: ambitzione, gana criadora, disìgiu de una vida prena.

S’universu personale issoro e cussu chi tenent a cumone s’agatat in su film, cun unu cunfrontu intra de is istòrias issoro e cussa de Deledda giòvana.

Su film est fatu cun s’agiudu de sa Regione Autònoma de Sardigna, Assessoradu de s’Istrutzione pùblica, Benes culturales, Informatzione, Ispetàculu e Isport; de su MIC, Diretzione Generale de su Tzìnema; de sa Fundatzione Sardigna Film Commission; de su Fundu Filming Cagliari; de s’ISRE, Istitutu Superiore Regionale Etnogràficu, Museu Deleddianu.

SardegnaEventi24.it

1692 eventi pubblicati

493 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español