Italia Eventi 24
LinguaIT
INAUGURADA IN ÀRTHANA SA “LOLLA” MODERNA E SUSTENÌBILE

Eris in Àrthana ant inauguradu sa “lolla”, unu cuncordu modernu e sustenìbile, cun unu disegnu identitàriu, chi contat su territòriu, nàschidu dae s’addòbiu de Opera Bluehouse, sienda sarda de Marco Bittuleri, cun s’artista de designer Mara Damiani, s’agiudu criadore de Luca Poerio, interior designer, e s’agiudu de s’Amministratzione comunale de Àrthana.

A sa presentada b’ant pigadu parte sos tres protagonistas de su progetu e su sìndigu Angelo Stocchino, paris cun unos cantos assessores.

Is lollas sunt bator e las ant cuncordadas in logos diferentes de sa bidda ogiastrina.

Su sìndigu de àrtzana Angelo Stocchino at decraradu de èssere presadu meda de sa lolla e at regordadu totu sas fainas chi su Comune at incarreradu pro assegurare chi totus potzant gosare de sos logos pùblicos in custa simana de tempus.

Su primu tzitadinu at faeddadu fintzas de sos progetos de dies de oe: “Sa pandemia est un’oportunidade chi non depimus pèrdere. Cherimus dare sa possibilidade a totus de connòschere Àrthana fintzas cun àteras initziativas comente a sos BNB in sos cuiles, paradas chi si podent transire pro acasagiare a sos turistas cun sa vista ispantosa de su Gennargentu, a manera de lassare resursas in su territòriu”.

Luca Poerio, interior designer de su progetu e de Opera Bluhouse, at faeddadu de sa lolla, chi “assegurat s’istesiamentu e s’identidade, unu logu de riferimentu pro su territòriu, chi si podet transire dae unu logu a s’àteru, discansosu a lu cuncordare, chi si podet transire cun arrodas e sena de dificultade peruna”.

In fines, Mara Damiani, s’artista criadora chi at pensadu a su sètiu identitàriu e artìsticu de sa lolla: “Sos territòrios tenent bisòngiu de istùdios atentos e de los contare cun totu sos piessignos issoro”.

S’ispera est chi fintzas àteros comunes domandent sa lolla pro sa firmada de sos postales, pro arrichire e dare biatzesa a sa bidda, ma fintzas pro àteros impreos pùblicos e privados, cunsideradu che faghet a la transire a manera simpre.

SardegnaEventi24.it

1665 eventi pubblicati

450 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español