Italia Eventi 24
LinguaIT
Istabilèssida sa data pro su cumentzu de s’iscola in Sardigna

Sos istudiantes sardos de sas iscolas de ònnia òrdine e gradu ant a torrare a iscola cumentzende dae su 14 de cabudanni. Sas letziones ant a agabbare s’8 de làmpadas de su 2022, mentras sas iscolas de sa pipiesa ant a tirare abertas fintzas a su 30 de làmpadas. L’at apostivigadu s’assessore de s’Istrutzione pùblica Andrea Biancareddu, chi at aprovadu su calendàriu de iscola pro s’annu 2021/2022.

Ònnia istitutu, e fintzas sas iscolas de sa pipiesa, ant a pòdere cumentzare sas letziones in antis de su 14 de cabudanni, ma bastet chi bi siat s’acòrdiu cun sos entes de su territòriu cumpetentes in su cuncordu de totu sos àteros servìtzios pro assegurare su deretu a s’istùdiu (mensa, trasportos, etc.). Sas letziones ant a tènnere una dura in totu de 203 dies. Pro nàrrere sa beridade sas dies de letziones prevìdidas sunt 205, ma torrant a 203 pro more de duas dies chi ònnia Istitutzione de iscola tenet a disponimentu. Su calendàriu de iscola pro su 2021/2022, in prus, at istabilèssidu sa firmada pro custas dies de festa natzionales: totu sos domìnigos, s’8 de nadale, su 25 de nadale, su 26 de nadale, su 1 de ghennàrgiu, su 6 de ghennàrgiu, su lunis in fatu de Pasca Manna. In prus, su 1 de maju, su 2 de làmpadas, sa die de festa de su patronu, su 2 de onniasantu, is vacàntzias pro Paschighedda: dae su 23 a su 31 de nadale e dae su 2 a su 5 de ghennàrgiu. Sas vacàntzias pro Carrasegare: sa die in antis de su cumentzu de sa Carèsima. Sas vacàntzias pro Pasca Manna: sas tres dies in antis de Pasca Manna e su martis a pustis de su lunis in fatu de Pasca Manna, est a nàrrere a pustis de Pascueta. Su 28 de abrile e, in prus, sas duas dies a disponimentu de su Consìgiu de istitutu.

In biddas meda de Sardigna ant perlongadu s’iscadèntzia pro si pòdere iscrìere pro gosare de sos servìtzios de trasportu e de ristoratzione pro s’annu de iscola 2020/2021.

Si cunsìgiat a chie nde tenet bisòngiu de bisitare sas pàginas Internet de sos Comunes de residèntzia, pro connòschere sas maneras, su prus in lìnia etotu, pro pòdere gosare de custos servìtzios de importu.

 

A.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español