Italia Eventi 24
LinguaIT
Laboratòrios culturales in limba sarda: iscritziones galu abertas

B’at galu tempus fintzas a su 10 de maju pro s’iscrìere a sos laboratòrios culturales in limba sarda e in tataresu cuncordados dae su Comune de Tàtari. S’iscritzione est lìbera e gratis, aberta a totu sos tzitadinos.

Sos laboratòrios in limba sarda e in tataresu, finantziados dae sa regione Autònoma de Sardigna a su Comune de Tàtari, sunt custos:

Laboratòriu pro criare vìdeos promotzionales in limba sarda (Terra de Punt S.r.l.);

Laboratòriu teatrale “Sas passiones de Trespeones”(APS BobòScianèl);

Laboratòriu “Abbà! – Sos giogos de su connotu de Sardigna comente a aina pro connòschere sa limba sua” (ENDAS Comitadu Regionale Sardigna);

Laboratòriu “Erbas naturales de Sardigna e coghina, su sardu a mesa!” (ASD Eventi Duemila).

Totu sas ischedas de sos laboratòrios s’agatant publicadas in sa pàgina www.comune.sassari.it.

Faghet a s’iscrìere a prus de unu laboratòriu. Si no at a fàghere a cuncordare sos laboratòrios in presèntzia, pro more de is règulas pro firmare s’isparghidura de su Coronavirus, s’ant a fàghere a tretu, cun s’impreu de tecnologias informàticas e multimediales. Sos laboratòrios ant a cumentzare in su mese de maju.

Sas domandas de iscritzione ant a dèpere lòmpere a su Setore Polìticas culturales e Gestione de su patrimòniu immobiliare de su Comune de Tàtari, cun s’impreu de sa modulìstica publicada in sa pàgina Internet de su Comune, cunsignadas a manu o mandadas cun sa e-mail a s’indiritzu protocollo@pec.comune.sassari.it, a intro de lunis 10 de maju, ponende in s’ogetu “Iscritzione a sos laboratòrios in limba sarda”. Sas domandas de sos minorennes las ant a dèpere firmare sa mamma o su babbu o su tutore legale.

Pro informos faghet a tzerriare su Servìtziu Cultura e Marketing turìsticu faghende su nùmeru 079 279970 – 279958 o mandende un’e-mail a s’indiritzu cultura@comune.sassari.it, dae su lunis a sa chenàbura, dae sas 10:30 a sas 13:30, e su martis e sa giòbia dae sas 15,30 a sas 17:30.

Sos cursos sunt finantziados dae sa Regione Sardigna, a intro de su programma pro s’amparu, su promovimentu e s’avaloramentu de sas limbas de minoria faeddadas in Sardigna.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español