Italia Eventi 24
LinguaIT
Lassapassare birde de òbligu dae su 15 de santugaine pro sos dipendentes de su setore pùblicu e privadu

Dae su 15 de santugaine Lassapassare birde obligatòriu pro sos dipendentes de su setore pùblicu e privadu, prètziu ismenguadu pro sos tampones in potecaria, santziones pro chie si presentat in su logu de traballu sena de tzertificatzione birde. L’at apostivigadu su Consìgiu de sos ministros a pustis de s’addòbiu cun sa cabina de regia chi s’est fatu in Palàtziu Chigi.

Prus a fine, su decretu previdet sa suspensione dae su traballu (e duncas dae sa paga) a pustis de chimbe dies chi unu si presentat a su traballu sena de tzertificatzione birde (custu balet pro su setore pùblicu). In su setore privadu, imbetzes, sos traballadores si podent suspèndere luegos dae su traballu sena de cunsighèntzias disciplinares e sena de pèrdere su postu. Òbligu de tzertificadu, in prus, fintzas pro chie faghet parte de assòtzios de voluntariadu, pro sas traballadoras de domo, sas atendentes, sas chi càstiant a sos pipios e pro sos chi tenent sa partida IVA. Pro chie non si sutaponet a sas averiguaduras, imbetzes, si previdet una contraventzione a prus de àteros provedimentos disciplinares. Contraventziones fintzas pro sos donadores de traballu chi non faghent sas averiguaduras a sos dipendentes issoro. Sas contraventziones diant dèpere mòvere dae 600 a 1.500 èuros e pertocant siat chie non mustrat su tzertificadu birde, siat chie non faghet sas averiguaduras. In fines, si podet domandare su traballu discansosu.

S’amegant de aprofundare sa chistione chi sas siendas depant pagare o nono sos contributos a sos traballadores suspèndidos pro ite ca sunt sena de Lassapassare birde.

Pro su chi pertocat sos tampones, imbetzes, si previdet s’òbligu a manera generale pro sas potecarias de fàghere pagare prètzios ismenguados pro sos test. Chie non si podet vatzinare at a pòdere fàghere su tampone gratis, mentras sos minorennes ant a pagare 8 èuros e sos magiorennes 15.

 

A.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español