Italia Eventi 24
LinguaIT
LOU DI FRANCO BOXI SARDA IN FRÀNCIA

Lou Di Franco, nòmini de arti de Luana Argiolas, est una picioca sarda mesu campidanesa e mesu ollastina chi po is cosas de sa vida nci dd’at acabada a Dijon, in Frància. Totu est incumentzau cun s’Erasmus e ancora ddui est in sa capitali de sa Borgogna. Nàscia in d-una famìllia chi at sèmpiri stimau sa mùsica de dònnia genia, de su prog a su folk, at incumentzau a piciochedda pitica a morigai cun sa mùsica, fintzas a candu no est arribada a su jazz e a connosci a Jérôme Broyer in su 2006, cumpàngiu de vida e de arti. In su 2010 nascit su nòmini Lou Di Franco, chi est un’omàgiu de coru a Francu, su babu. S’annu infatu bessit su primu Ep Acoustica e incìngiat sa primu tournèe cun Yves Jamait.

Su 2014 est un’annu importanti poita ca bessit Le goût des mots, unu discu chi est andau beni meda, passau in is arràdius de Frància, Svìtzera, Germània e atrus logus de su mundu, nd’at aciapau prèmius e festival in Frància (Inouïs du Printemps, Franco Gourmandes) e finas in Sardìnnia (Premio Parodi). In su 2015 torrat a bessiri su discu ma cun sa produtzioni de Youz Prod e nd’arribat su prèmiu Mario Cervo e un’atra tournèe in Frància e foras puru. Agoa sighit a girai cun sa mùsica sua sonendi cun paricis artistas cumenti Hindi Zahra, artista marrochina de orìgini bèrbera, chi cantat in sa lìngua sua impari a su frantzesu cumenti a Lou cun su sardu. In su 2018 bessit un’atru traballu Dans les vagues, in su 2019 s’Ep 99 saudade e sighint is cuntzertus in palcus de importu. Is frantzesus nant ca sa mùsica sua est una sìntesi tra s’ìsula anca est nàscia e sa cantzoni frantzesa, tra pop e cantzoni de autori, chi est una boxi eleganti e incantadora, druci e apassionada e aintru ddui est su soli ‘e Sardìnnia, un’amesturu tra sardu e frantzesu chi portat fogu. E chi ddu nant is frantzesus…

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español