Italia Eventi 24
LinguaIT
Màchinas mannas a coddu, unu cunvegnu pro ammentare s’anniversàriu

Sa Retza de sas màchinas mannas a coddu italianas afestat s’anniversàriu de reconnoschimentu cun su cunvegnu “Sa Faradda de sos Candeleris e su reconnoschimentu UNESCO: amparu, partetzipatzione e avaloramentu”.

 

Su 4 de nadale de su 2013, in Baku, su Comitadu Interguvernativu pro sa Lista rapresentativa de su Patrimòniu Culturale Immateriale de s’Unesco reconnoschiat sas festas de sa Retza de sas màchinas mannas a coddu italianas Patrimòniu de s’Umanidade. Una proposta votada a s’unanimidade dae s’òrganu de s’Onu chi sinnaiat unu resurtadu de importu pro pònnere cambas a sa Cunventzione Unesco de su 2003 e pro s’Itàlia matessi.

 

A pustis de oto annos, Tàtari ammentat custa ricurrèntzia cun unu cunvegnu, cuncordadu dae s’Intergrèmiu Tzitade de Tàtari paris cun s’Amministratzione comunale.

 

S’addòbiu s’at a fàghere sàbadu 4 de nadale a sas 9.30 in sa Sala de sos cunvegnos de s’Assessoradu de sa Cultura, in carrera Infermeria Santu Pedru. Su cunvènniu est abertu a su pùblicu finas a non prus de 60 partetzipantes. Est un’ocasione pro cumprèndere su chi at fatu finas a como sa Comunidade de Tàtari pro amparare, partetzipare e abbalorare sa Faradda, ma prus che totu un’oportunidade pro pònnere paris propostas pro sa programmatzione de su tempus imbeniente.

 

Su programma previdet duos interventos a incuru de su Setore de sas Polìticas culturales e de sa Gestione de su patrimòniu immobiliare. Su primu pertocat sas atziones de promovimentu e avaloramentu in su progetu “Sa Retza. Patrimòniu de su coro, Patrimòniu de s’Umanidade” fatas dae su Servìtziu Cultura in sos annos 2019-2021. In su segundu interventu s’at a aprofundire su tema dìligu chi pertocat sas fainas de amparu de sas fontes documentales de sos Grèmios e de sa Faradda, chi oramai dae paritzos annos faghet s’Archìviu istòricu comunale “Enrico Costa”.

 

A sa concruida de sos traballos, a tardu mangianu, su dibatu est abertu a sos partetzipantes.

 

A.I.G.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español