Italia Eventi 24
LinguaIT
Meigama su discu nou de Palmas e Arrogalla

Meigama est un’atòbiu tra cumposidoris e mùsicas diferentis. Màuru Palmas ndi benit de una cumpositzioni prus clàssica, sonendi mandolas e liutus e Franciscu Medda Arrogalla ndi benit de s’eletrònica e de su hip hop sonendi dub. Ma is autoris no si spantant, cumenti narat Arrogalla etotu, su chi importat e chi s’atòbiu “funtzionit” e sonit beni. Sa mùsica sarda e mediterrànea e s’eletrònica si chistionant apari arrespetendisì, aciungit Palmas. Su discu bessit siat in cd e siat in digitali, sa cobertina, de lussu, est de s’artista sparadesu Giampàulu Mameli, chi nd’at bogau a pillu un’òpera stravanada de ceràmica niedda (bucchero), una tènnica antiga meda chi imperamus in Sardìnnia giai de su tempus de is nuraxis. Sa gràfica est de Rinaldo Crespi e de Luca Spano, su missàgiu de Corrado Tolu e sa produtzioni de s’agentzia creativa Altrove de Luca Zoccheddu. Custu traballu est bessiu cun s’agiudu de paricis assòtzius curturalis: Antas Teatro, Chourmo/Marina Cafè Noir, European Jazz Expo’, Fondazione Giuseppe Dessì, Le Ragazze Terribili, Mare e Miniere, Museo Nivola. Is otu cumpositzionis movint de anninnias, prutzessionis, cantadas campidanesas, gòcius, ballus e nodas de is launeddas po nc’amesturai in mesu sonus de su logu, dub, bentus spanniolus, sa Giamàica, boxis saharawi, mùsica cèltica, su mari tunisinu e sa pìtzica salentina, de una costa a s’atra, tra Àfrica e Europa, cun sa Sardìnnia in mesu, mancu a ddu nai. Nareus ca sa mùsica sarda est sa madrixi comuna de anca funt partius is artistas, pighendi agoa caminus personalis, Palmas castiendi a su connotu e oberendisì a su Mediterràneu e Arrogalla tirendi conca a su hip hop, su dub e sa cùmbia, ma est finas su logu aundi su circu si torrat a serrai, cun sa torrada a domu, una domu noa chi s’oberit a su mundu prexada.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español