Italia Eventi 24
LinguaIT
MILLI MUTETUS DE CASTEDDU

Unus cent’annus a oi Raffa Garzia nd’iat arregortu milli mutetus casteddajus de su connotu populari e ddus iat pubricaus in d-unu lìburu chi oi est unu clàssicu de sa curtura sarda “Mutettus cagliaritani”. Su studiosu boliat documentai sa costumàntzia de s’arrespundi in rima e de poetai chi fiat difùndia e biatza in mesu de su pòpulu. S’idea sua fiat de fai connosci custu mundu a is studiosus, e difatis is mutetus ddus iat scritus a arfabetu fonèticu, chi est unu pagheddu malu a manigiai po chini no est de s’arti.

Oi Paolo Zedda e Gianni Stocchino, (Arkadia), faint un’atra operatzioni e si movint a s’imbressi, torrendi custu connotu a su pòpulu, scriendiddus a scridura ordinària e tradusendiddus, po chi totus nd’aciapint s’arrichesa cuada de custas cumpositzionis. Agoa ddus ant partzius po argumentu, de amori e sbregungius puru, a candu postus po beni e a candu po mali. Sa mètrica est una mètrica populari e de su connotu sardu, po su prus funt versus o mutetus a duus peis, sa manera de cantai prus fàcili e pròpiu po cussu praticada de totus.

Zedda est unu cantadori issu etotu, unu studiosu atentu e apassinau, Stocchino est una vida in mesu de is lìburus, màssimu is chi contant sa terra nosta, impari nd’ant torrau a bogai a pillu no sceti un’òpera de importu ma fintzas unu scusòrigiu, un mundu chi no s’agatat prus. Unu mundu aundi sa poesia e sa rima faiant parti de sa vida de dònnia dii, cun sa tzitadi chi fiat pàtria de cantadoris mannus e stimaus e de versadoris chi si biviant sa poesia in sa comunidadi. Contus in d-una lìngua chi oi no fait a torrai a agatai, bia, forti, coloria, sprigu de sa genti e de sa manera sua de bivi e de pensai, fueddus chi no intendeus prus, scarèscius e lassaus po atrus nous arribaus de foras ca “abarras cullionau si creis su chi ti nant.”

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español