Monumentos Abertos est unu progetu chi oe càstiat a su tempus benidore siat in sa carrera de un’ismanniamentu de su fronte natzionale, fintzas gràtzias a un’interessu semper prus biu dae parte de regiones prus mannas, siat criende ocasiones de ponidura in sa retza de esperièntzias e cumpetèntzias cun àteros sugetos chi traballant in su campu de sa gestione e de s’avaloramentu de sa sienda culturale in Itàlia e in Europa.

E, in s’interis, est giai cumentzada dae carchi chida sa campànnia de adesione pro sas amministratziones comunales, sas iscolas e sos assòtzios chi ant a formare sa retza de ocannu. Mancari non siat discansosu, s’Assòtziu Imago Mundi cheret fàghere in su 2021 puru su progetu in sas coas de chida intra de su 23/24 de santugaine, datas cando b’at a èssere fintzas su cabulogu sardu, e su 4/5 de nadale.

Sa de 25 editziones chi si fùrriat a èssere unu ponte pro lòmpere a su de 25 annos, chi s’ant a afestare in su 2022. Unu caminu pro s’acurtziare a una parte de bator de unu sèculu in ue Imago Mundi at a propònnere, in su 2021, una filera de apuntamentos chi ant a agabbare in atòngiu cun sa de 25 editziones: unu cursu de formatzione in contu de s’interpretatzione de sa sienda culturale e un’àteru intituladu “CIAK! S’arte de su tzìnema, pro s’inclusione”. E, ancoras, unu cunvegnu in contu de su tema de su “patrimòniu de acanta” e de s’isvilupu culturale de is zonas de a intro de sa Sardigna e, in fines, un’agiudu didàticu in contu de Monumentos Abertos comente a agiudu turìsticu pro sos operadores de s’informatzione e de sa comunicatzione, cun unu cunvegnu natzionale dedicadu a su tema de sas prospetivas noas de su turismu culturale.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22