Italia Eventi 24
LinguaIT
PERLONGADA FINTZAS A SU 31 DE AUSTU SA MUSTRA “ISPEREFUNDOS DE MUDORE. IMMÀGINES DAE SU FILM BANDIDOS IN ORGÒSOLO, VITTORIO DE SETA, 1961”

Sa mustra fotogràfica “Isperefundos de mudore. Immàgines dae su film Bandidos in Orgòsolo, Vittorio De Seta, 1961”, contivigiada dae Antioco Floris e Antonello Zanda e cuncordada in su Museu de su Costùmene de Nùgoro, l’ant perlongada fintzas a su 31 de austu, cunsideradu su sutzessu mannu chi at tentu.

In sa mustra si bi podet bìere unu sèberu de immàgines de su film, fotogrammas e fotos de iscena, chi iscòviant s’istile de Vittorio De Seta, ma chi sunt fintzas una ventana aberta cara a su mundu barbaritzinu intra de sos annos Chimbanta e Sessanta e chi “Bandidos in Orgòsolo” lu espressat bene.

Sa mustra, prodùsida dae sa Sotziedade Umanitària-Tzineteca Sarda movende dae unu progetu de chirca fatu dae su Dipartimentu de Lìteras, Limbas e Benes culturales de s’Universidade de Casteddu e promòvida a manos de pare cun s’Istitutu Superiore Regionale Etnogràficu e sa Fundatzione de Sardigna, faghet duncas a la bisitare in Nùgoro, in su Museu de su Costùmene, in bia de Mereu, fintzas a su 31 de austu. S’intrada est lìbera.

Cunforma a sa prima mustra, custa nugoresa si presentat arrichida dae unu cuncordu nou, fatu a manos de pare cun Ignazio Figus, responsàbile de su setore audiuvisuale dell’ISRE, cun s’atzunta de immàgines noas, de materiales de repertòriu che a sos manifestos originales de su film e unu documentàriu de Daniele Atzeni, “Vittorio De Seta e sa Barbàgia”. Una parte de su film l’ant girada in s’auditòrium de s’ISRE in ocasione de sa bìsita de De Seta in Nùgoro. Cun un’intervista intreverada cun cantos de sas òperas in remone, su maistru contat de su raportu suo cun sa populatzione e cun sas persones chi ant pigadu parte a sos produsimentos suos, de comente totu issu càstiat sa realidade chi biet, de sas dificultades chi at tentu in su faghimentu de su traballu e de sa situatzione de sas chèscias sotziales mannas chi at connotu cando fiat girende su film in Orgòsolo.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español