Italia Eventi 24
LinguaIT
Prajas de Sardigna: Cala Francesa e Bèrchida

Cala Francesa est indurriada dae unu mare in colore ismeraldu pro su prus asseliadu e cun isfumaduras ùnicas. Sa caleta minore e rafinada, in ue a sa parte Sud b’at una praja minoredda de arena crara mentras in sa parte Nord s’agatat una iscolliera de roca de granitu. Su tretu est connotu e piessinnadu dae una cava de granitu chi in sa segunda metade de  su 1800 fiat istada protagonista de estratziones de importu. Su granitu giutu a paritzas partes de su mundu fiat servidu pro fraigare sos monumentos comente a “Ismailia” in su Canale de Suez sos portos de Alessàndria de Egito e de Gènova, su Ponte Palatino in Roma, sos pojos de carenàgiu de Malta, Venètzia e Tàranto e su monumentu a “Don Guzmao” in Santos in Brasile. In prus fintzas pro su basamentu de s’Istatua de sa Libertade”! Est galu a disponimentu sa bìsita a sa cava fintzas si sa produtzione nch’est sessada. Sa praja leat su nùmene dae custa cava etotu chi li narant “Cava Francesa”.

Sa praja de Bèrchida, in su tretu Nord-Est de Sardigna est cunsiderada una de sas prus bellas de su Mediterràneu. A raru si podet agatare luada de gente a isticu, isulada dae sa modernidade incasinada, e duncas logu ideale pro chie est chirchende assèliu pro more de sa mannària de sa praja etotu. Est posta in sa leada de Thiniscole, rica de ambientes marinos bellos a beru; pro nde mentovare unos cantos, Bèrchida est cullegada in sa parte Nord dae sa praja ispantosa de Capo Comino e in sa parte Sud dae sas prajas de s’Oasi de Bidderosa, chi bi si podet lòmpere a pee.  Su mare suo est cunsideradu intre de sos prus lìmpios de Sardigna cun valores de incuinamentu bassos mesurados dae professionistas. Sa praja amparat Riu Bèrchida chi nde faghet de su stàinu omònimu unu habitat ideale de genias de pugiones raras e mitza pro masones de bacas e gamas de berbeghes. Custos sunt meres de s’arena de Bèrchida in sas istajones de ierrales. Podet pàrrere unu bisu o un’àtera òpera de arte de sa natura e chie lu narat chi non siant ambas cosas? Unu cuntestu chi abbivat; sa Sardigna lassat sa firma sua in sa terra fintzas dae su ghetu archeològicu: acante a sa praja si podent agatare duos tretos archeològicos in ue bi sunt sos restos de sos nuraghes Conca Umosa e Paule ‘e Luca.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español