Italia Eventi 24
LinguaIT
Prajas de Sardigna: Cala Liberotto e Cala Regina

Si seis chirchende unu logu in sos chirros de su Gulfu de Orosei, ais a amare a Cala Liberotto. Perfeta pro sos naturalistas, custu ambiente impromitit sa paghe de sos sensos, unu mare lìmpiu e asulu, s’arena cun graneddos rujos e imbiondida dae su sole; est abratzada dae sas rocas craras e dae sos nuscos de sa pineta chi b’at in palas. Serente b’at fintzas su stàinu de Sos Alinos afurriadu dae sa canna e s’àgave. Sa vegetatzione est vàrgia, intre murta, figu murisca e parma nana. Sa cunformatzione sua distinta la faghet bisitare a pee sena istrobbos. Paret de istare in intro de una fàvola verdadera. In estiu la frecuentant meda sos piscadores subàcqueos e in ierru sos surfistas. A de die est s’ideale pro intrare in mesu de sa natura e si pasare, a de note s’ispassiat in sos locales chi sunt acanta. No importat s’ora o sa die, Cala Liberotto non perdet mai s’incantu suo.

 

Cala Regina est una caleta minoredda in sos chirros de Terramala, indurriada dae sa mata mediterrànea e chi tenet in subra una turre de avistamentu ispanniola. Bi si podet lòmpere in vetura e si podet parchegiare a indonu in unu parchegiu minoreddu canteddu subra de sa praja. S’abba cristallina e asula est a seguru cussa chi ispantat luego su turista in antis de totu su restu. Cussu chi agradat meda intamas est s’intimidade de custu logu li lassat. Mancari chi siat connota meda, si si bìsitat  a mangianeddu si podet fintzas agatare bòida. Sa chistione chi siat  belle de su totu una praja de roca diat pòdere no agradare a totus, ma cando si intrat a modde sas pedras e sas rocas ant a lassare tretu a s’arena modde. Su prus chi ispantat est su mare: lìmpiu e ricu de pische, perfetu pro su snorkeling!

T-C-

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español