Italia Eventi 24
LinguaIT
Prajas de Sardigna: Cala Luna e Porto Giunco

Posta intre de Durgale e Baunei i provìntzia de Nùgoro, Cala Luna est una de sas prajas prus eciseras de su gulfu de Orosei. Tenet una isterrimenta de arena longa 800 metros e unu monte a palas suas cun 5/6 grutas isfossadas dae sas undas chi ant infinigadu su calcare. A una praja si podet lòmpere dae su mare, o sinono cun una caminera trekking in su monte, colada dae su riu Ilune e ue s’agatant sos animales chi passìgiant lìberos (che a rapaces raros, sirbones e cabritas arestes).  Arribados a cue si podet andare a sas grutas. Cala Luna l’ant seberada comente curnisa de paritzos film italianos e istràngios; est istada in prus protagonista de sa cantzone “Danza de Cala Luna” de sos Inti Illimani, grupu musicale famadu cilenu. S’ammaju suo at incantadu a chentenas de bisitadores; no est de badas chi siat una de sas prajas prus ispantosas de su Mediterràneu.

 

Chie si siat chi connoschet a Crabonaxa at impischinadu a seguru in sas abbas de Porto Giunco. E bois in sa praja, istados mai seis? Si sa resposta est nono ma nde reconnoschides sa mirada familiare a seguru l’ais giai bida in carchi revista turìstica o in tv, in carchi spot publicitàriu subra sas prajas tropicales prus bellas de Itàlia.

Mancari gasi sa fama de set fotogràficu chi tenet no istrobbat sa bìsita. Su mare est vàrgiu , pro more de sa trasparèntzia si colorat  pro more de sa flora marina, bella, rara e amparada. Non petzi isfumaduras de chera diferente, si podet buscare un’abba pintada de rosa pro more de arrogos de granitu i su fundale. Pro non chistionare de su promontòriu naturale: montes de ghinnìperu, eucaliptu e modditzi chi profumant s’aera. Su nùmene suo benit dae sa presèntzia de cannedos de giuncu, la mutint fintzas “de sos duos mares” ca s’arena sua partzit in duos s’abba: su mare ispantosu a un’ala e su stàinu de Notteri a s’àtera. Sa “Turre de Porto Giunco” manna est monumentu de su seschentos fraigada dae sos ispanniolos.

 

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español