Cala Pira est sa caletedda ruja prus famada de Sardigna. Est longa e astrinta, cun mare birede ismeraldu e arena bianca, fine e modde. Su rosa est unu colore tìpicu de paritzas prajas sardas ca b’at sa presèntzia de granitu de custu colore. Custa cala difatis nd’est afurriada e su riflessu in s’abba creat isfumaduras chi non si podent iscarèssere. Mentras  a tesu si podent bìere sas chimas de su monte de su Parcu de Is seti Fradis, a fùrriu de su mare b’at matas tìpias de ghinnìpere chi paret de èssere in un’òasi de ispantu e areste. Logu chi s’agatat in s’oru de s’istradone intre de Crabonaxa e Costa Rei est unu tretu de non pèrdere. Frecuentada meda in estiu ma cunsiderada prus incantosa in sas istajones bassas e duncas in maju e in su mese de santugaine.

De s’archipèlagu de Madalena intesu mai nd’ais faeddende? Est belle che beru chi emmo. In su Nord de s’ìsula, prus a notu in sa provìntzia de Tàtari, s’agatant paritzas ìsulas e islueddas cun paesàgios ùnicos. Est su chi acuntesset cun Cala Coticcio, una praja galana chi la mutint fintzas pro custu “sa segunda Thaiti”. Sa Thaiti nostra s’agatat a nord de s’ìsula de Caprera e pro bi lòmpere si podet disfrutare de una barca o sighende sa caminera de trekking costa-costa de sa pedra. Manacri siat peleosu a bi lòmpere, ais a abarrare prexados deretu de sa bellesa de s’abba mèscrina e lìmpia de su totu. Su mare s’at a cuare intre de sas rocas finas a cando no at a èssere craru: seis finasmentas arribados a Cala Coticcio! Bos podies gosare su paesàgiu de su mare chi non tenet paragones. Su mare paret chi siat una piscina bete manna o fortzis e mègius a nàrrere unu acuàriu, bidu chi est longu e incontaminadu ricu de fàuna marina.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22