Italia Eventi 24
LinguaIT
Prajas de Sardigna: Cala Spinosa e Poltu di Li Coggi

Lungoni in su Nord de s’ìsula chistit paesàgios semper de incantu e incontaminados che a Cala Spinosa, posta in sa leada de Capo testa. Est una praja minoredda de rocas cun iscòllios, pedras e còdulas de cada forma e mannària. Sa policromia de su mare mudat dae su birde ismeraldu a s’asulu isprammadu: isfumaduras chi lughent cun su sole e chi si distinghent pro sa bellesa issoro. Su mare pro more de custas trasperèntzias ispantosas, mustrat unu fundale bassu ricu de calancas in ue agatant aposentu e amparu su pische e àtera fàuna marina. In su biàgiu nostru iscoberende Cala Spinosa non podent mancare màscara e pinnas! Custu tretu assoladu de costa, misteriosa e ecisera, serente a su farubardianu mìticu de su Canali de Bonivàtziu est una de sas prajas prus bellas de Sardigna.

A fùrriu de sos annos sessanta su prìncipe britànnicu Karim Aga Khan aiat fatu unu investimentu in cussa chi oe mutimus Costa smeralda. Fiat istadu difatis isse a creare su “Consorzio Costa Smeralda” chi cada estiu assegurat servìtzios de calidade arta e unu muntone de gente in unu tretu curadu e de preju. Cando su prìncipe aiat bisitadu sas terras noas comporadas aiat bidu intre de custas sa praja “Poltu di Li Coggi” chi fiat cussa chi agradessiat de prus, pro custu l’aiant mutida fintzas “Sa praja de su Prìncipe”. Custa tenet s’arena bianca e fine e inghìriat su mare cun unu abratzu faghende su paesàgiu ammajadore e durche. S’arenàrgiu chi est longu unos chentu metros est partzidu cada tantu dae rocas de granitu rosa. Est de badas a nàrrere chi su mare suo incantat deretu! Cristallinu e intre de sos mègius pro chie pràtiat su snorkeling.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

 

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español