Italia Eventi 24
LinguaIT
Prajas de Sardigna: Calamosca e Sant’Elmo

A pagos chilòmetros dae Casteddu s’agatat Calamosca, una prajetedda acucada dae duos promontòrios. A Ovest sa Sedda de su Dimmòniu manna e a Est Capo Sant’Elia ue b’at su faru antigu. Sa praja est bastante reservada e ìntima pro comente est connota e frecuentada dae sos residentes e os turistas. Calamosca est semper illuminada dae su sole. Pro custu sas abbas suas ischintiddosas e asulas sunt pro su prus caentes e aposenteras. Si narat difatis chi paris a sos òmines bi nadent unas cantas genias de medusas, chi giai s’ischit, amant sas abbas tropicales. S’arena sua est lìmpia e sos fundales suos sunt bassos e arenosos; b’at carchi còdula allisada e fintzas unos cantos iscòllios in s’oru de sa praja. Galu, in prus de sos servìtzios ofertos comente puntos de pasada, sunt a disponimentu duas camineras chi bos ant a giùghere a su cùcuru pro bos istrinare unu panorama de ispantu. Dae unu chirru, in sa Sedda, ais a tènnere una panoràmica galana de su mare de su Poeto e de su Gulfu de Casteddu; a s’àteru chirru ais a abarrare incantados dae su burgu de Sant’Elia, sa Turre de su Pedrusèmene e sos fràigos militares de sas segunda gherra mundiale. Mescamente bos podides gosare dae s’artu a Calamosca gasi vàrgia e ermosa.

 

Sant’Elmo est unu bidditzolu indipendente fatu de su totu de apartamentos pro sas vacàntzias. S’acarat in deretura a su mare in sos chirros de Castiadas e est su logu giustu a seguru si seis chirchende una praja in ue bos pasare e istare serente a sa natura tìpica sarda. Prena de milli comodidades est una praja de pasu e sena istrobbos, bastante manna pro istare a un’ala. Su mare est cristallinu cun tonos asulos e cunfundales bassos e de incantu adatos fintzas a sos pipios! S’arena sua est famada ca est bianca meda e fine. Acuntentados sos amantiosos de su mare e cussos de s’arena, Sant’Elmo no iscuntentat nemmancu sos de sos iscòllios. Duncas ant a pòdere agatare rocas de cada genia e mannària chi pintant sa praja. Una parte de sa praja etotu est ocupada dae tretos de pasada, servìtzios e istabilimentos mentras s’àtera metade est lìbera de su totu. Unu ungoneddu de paradisu chi non timet paragones.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español