Sa praja de Capriccioli si distinghet deretu pro more de una croba de licucos allisados e atundados chi partzint sa costa sua in paritzas caletas. Prus a notu sunt sa partzidura de sas chi mutint “Prajas Cròbinas”: Capriccioli de sa parte Est e Capriccioli de sa parte Ovest. Inghiriadas dae sa mata mediterrànea sas prajeteddas de Capriccioi si distinghent pro s’arena fine e crara cun isfumaduras ci tirant a su colore murru e chi ingalat in unu mare de colore asulu forte. Su lidu in sa parte de oriente tenet fundales bassos e arenosos e est amparadu dae su bentu estu, acucadu dae rocas de granitu grogu, rosa e rujastru chi donant a su paesàgiu un’ammaju in prus. Canteddu prus in a dae in antis b’at sa segunda praja, chi li narant “de sas Tostòines”: e est un’òasi naturale ue b’andant sas tostòines marinas in tempus de pònnere sos oos. Capriccioli at a èssere Parcu Naturale. In su Gulfu de Aristanis si distinghet pro sa bellesa e particularidade sa chi tzèrriant “Praja de sos Granos de Arrosu”, Is Arutas: una mesuluna de arena cun granigheddos de cuartzu colorados, inghiriada dae iscolliera de roca. A sas isfumaduras biancas, rosa e birdigheddas de sos graneddos s’annanghent cussas de su mare famadu pro sa limpiesa de sas abbas suas. In intro de custa isterrimenta manna in colore turchesu bi sunt unu muntone de ispècies marinas chi si podent  bìere giai dae sa costera. Custu ungroneddu de Sardigna est ùnicu; Is Arutas, chi in prus est manna paritzos chilòmetros, est sa prenda de su Sinis. De preju e ecisera. Assegurat sos servìtzios de base sena èssere un logu de turismu de massa: sa natura sua areste e amparada la faghet ammajadora. Bi si podet lòmpere in prus fintzas cun sa vetura dae sas localidades turìsticas prus nòdidas. In s’interi de su camminu bi sunt àteros logos de interessu su matessi, intre de custos si distinghent sas ruinas de Tharros. M.B. Attività realizzata col contributo della Regione Sardegna – IMPRENTAS 2020-2021. LR 22/2018, art22