Italia Eventi 24
LinguaIT
Prajas de Sardigna: Costa Rei e Lidu de Orrì

Costa Rei, in totu custos annos, s’est megiorada dae colare dae residence comente a medas a una tzitadedda verdadera cun totu sos comfort possìbiles e imàginàbiles, pro chi benit in vacàntzia. Custa bidda digfatis est in mesu de su birde ma sa mirada est cara a su mare. Sas prajas de Costa rei sunt in mesu de su tretu de costa sud-est chi s’isterret pro unos 10km in sos chirros de Capo Ferrato e Punta Molentis. Su mare suo, connotu pro èssere intre de sos prus lìmpios de Sardigna, est sa prenda de custa praja. Sas undas si pasant subra una isterrimenta de arenàrgiu calcàreu e duncas cun arena bianca fine e modde. Costa rei est petzi un’arrogu de sa bellesa de custa leada, difatis in custu litorale mannu e ampru paritzas prajas si distinghent pro sa bellesa e non diant bastare petzi unu post pro las contare.

Cuasta praja est famada mescamente comente localidade turìstica, in Sardigna e fintzas in s’èsteru: sunt domos medas a pesone cada estiu e sunt domos medas abbitadas totu s’annu dae chie, bisitende su logu, no at pòdidu fàghere a mancu de unu paesàgiu gosi.

 

Su Lidu de Orrì bastante ampru est de 10km de litorale arenosu afurriadu dae iscollieras de granitu. Sunt custas ùrtimas a ischirriare una praja dae s’àtera. Su Lidu de Orrì est sa costa prus premiada de Sardigna cun sas banderas blu de Legambiente. Pro chie no ischit ite sunt sas banderas blu, custas sunt unu reconnoschimentu ufitziale a sas localidades europeas chi depent mantènnere unos cantos paràmetros piessinnados (coemnte pro esempru cussu de sa limpiesa de s’abba o sa calidade de su servìtziu ofertu). S’arena de custas prajas est indorada e gasi sedosas chi resurtat fuidita; su mare, intamas, est coloradu meda pro more de sa flora tìpia e sa fàuna marina in su fundale bassu: perfetu pro sos amantiosos de sas immersiones. Fintzas sos surfistas amant custa leada ca, cando sulat su bentu cara a su mare faghet undas adatas pro s’isport. Su Lidu de Orrì est inghiriadu dae istabilimentos e chioscos-bar; pro sos minoreddos si podent afitare in prus de sos pedalò fintzas giogos e gonfiàbiles. Si cunsìgiat de andare, in vetura, sa turre de San Geminiano, ca est cosa de ispantu! Unu panorama chi nche moet s’alenu castiende cara a totu sa costa.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

 

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español