“Genn’e Mari” chi est sa ghenna de su mare s’agatat in intro de su Gulfu de sos Anghelos in sa leada de Torre delle Stelle. S’arenàrgiu suo est ampru, cun arena grussa e abba lìmpia e crara. Su fundale bassu est adatu meda a sos pipios; sa praja est duncas inditada a sas famìlias chi frecuentant a s’ispissu su mare. Mancari gasi, cunforma a s’ora e a sa purrata, si podet agatare belle discoidada. Bi si podet lòmpere deretu cun servìtzios chi oferit diferentes.  Sa vegetatzione a palas suas l’amparat dae su bentu e dae su sole, pro custu su mare est asseliadu cando sulat su bentu estu. Intre de sas fainas a disponimentu b’at cussa de nolegiare unu gommone e de pòdere fàghere una gita in sas caletas in cue a fùrriu, amadas ateretantu dae sos turistas e dae sa gente de su logu. Est a nàrrere chi Genn’e Mari est unu tretu pro mòere si si bolent bisitare sas prajas de Sardigna!

Connota comente a praja prus bella de Portu Turre, pro sas abbas pagu profundas e cristallinas, pro sas rocas artas chi l’indùrriant, pro sas grutas acanta e pro sa cresiedda chi s’acarat in su mare: semus chistionande de sa praja de Balai. Mancari chi siat minoredda est frecuentada meda mscamente in estiu. Non diat èssere a s’imbesse chi in medas la connoschent e l’istimant. I prus est afurriada dae unu parcu urbanu ricu de parma e de prantas aromàticas; inoghe bi si podet firmare pro si pasare e castiare su panorama chi b’at in bassu.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22