Sa gente de su logu, est a nàrrere de sa costa Orientale de Sardigna, mutiat su “Bue Marino” fricu mare. Si nde cumprendet chi custu animale, oe acante a iscumpàrrere, abbitaiat custu logu. Dae sos annos chimbanta cumentzat sa faina turìstica: custas grutas si faghent e sunt galu como una meta de sos amantiosos de su monte e de su mare. In prus de sas camineras ghiadas, chi bos ant a giùghere a àteros ispantos naturales (che a rios, laghitos durches e unu lagu suterràneu) bi sunt una pariga de fainas chi podides fàghere pro iscobèrrere sas grutas. Chi bi sunt iscritas rupestres dae su tempus de su Neolìticu a l’ischiais? Chi b’at su “Festival de Cala Gonone Jazz” e chi lu faghent in cue in intro, a l’ischiais? Sa bìsita ghiada cun su nàviu durat belle un’ora e acabbat su percursu suo cun una praja in ue sas mammas de su fricu mare si frimaiant pro angiare.

Perfeta pro chie bolet intrare in mesu de sa natura b’at sa praja de Scivu, una de sas prajas printzipales de sa costa sud-ocidentale sarda. Sa praja est in logu de mudìmine e isulada lassende sos bisitadores suos in una cunditzione de paghe perfeta, tra sos nuscos marinos e unu letu de arena in ue s’istèrrere e iscarèssere totu sos problema fitianos. Su mare est unu pintadu ispantosu: pintzelladas e pintelladas de colores e isfumaduras chi dipendent dae su riflessu de su sole in su fundale. Cando sulat su bentu estu su mare si mudat in su desafiu mègius pro sos surfistas de sa zona, cun undas mannas chi s’istrampant dae cada chirru.  Est a nàrrere, cale si siat cosa nèrgait su mèteo, non b’at peruna chistione de tempus chi imèntighet de bisitare custa praja. Sole, bentu, caente o fritu, s’atmosfera est gasi de ammaju chi est su matessi in Austu gasi comente in Freàrgiu. Prus a notu cunsigiamus de bisitare a Scivu cara a ora de s’iscurigadòrgiu; difatis est pròpriu tando chi si corcat in s’orizonte.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22