Italia Eventi 24
LinguaIT
Prajas de Sardigna: Perda Longa e Tuerredda

Custa praja leat su nùmene dae sa Perda Longa (o Pedra Longa) est a nàrrere unu licucu mannu de calcare cun cunformatzione a Agùgia, dae cue su nùmene Agùglia o Agugliastra chi pustis donat su nùmene a Ogiastra/Ogliastra. A la tènnere comente puntu de referèntzia pro s’orientare fiat istadu de importu pro sos navigadores chi colaiant serente a sas falèsias de Campo Monte Santo. In medas chistionant de  Perda Longa comente unu iscòlliu mannu ma pro de beras est unu monte istremenadu in su mare chiest subra de custu pro 130 metros. In su 1993 l’ant reconnota “monumentu naturale” e difatis est de importu ca est fintzas sa làcana de su cumentzu de sa Costa de Baunei. Bi si podet arribare in vetura ma su chi consigiamus est de fàghere su trekking “Profondo Blu” famadu chi in una chida nche giughet a bisitare sa costa baunesa in chimbe o ses tapas; si moet dae Perda Longa e s’arribat a Cala Luna. St cunsideradu dae sos espertos unu de sos trekking prus ispantosos de Europa.

A pustis àere bidu cun sos ogros tuos sas prajas ispantosas de tuerredda as a pòdere nàrrere de àere bisitadu sos Caràibes de Sardigna! Unu paesàgiu gasi non discuntentat a perunu bisitadore ca benit male a agatare unu logu chi l’assimìget. Est un’isuledda discoidada posta in intro de una cala intre de Capo Malfatano e Capo Spartivento in sos chirros de Teulada. In Tuerredda bi sunt restos galu de fràigos chi parent de sa civilidade fenitzu-pùnica e semper in s’ìsula ant agatadu zinzios de ceràmica. Unu ambiente incantadore a beru cun unu mare amparadu dae su bentu estu, duncas calmu e ricu de fàuna marina, cun arena de oro comente curnisa de custu mundu minoreddu de mudìmine e gosi bellu chi paret surreale.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español