Italia Eventi 24
LinguaIT
Prajas de Sardigna: Piscinas e Cala Goloritzè

Sena duda peruna unu de sos logos prus ispantosos chi si podet bisitare. Est una praja distinta meda, chi paret belle unu desertu pro sas dunas mannas suas in colore ocra, modelladas dae su bentu estu, coloradas dae su birde de sa vegetatzione e dae su turchesu de su mare.  Non diat a bastarea seguru una foro pro ammustrare totu sa bellesa sua, pro custu cunsigiamus de la bisitare e de si lassare tragiare dae custu ispetàculu naturale cun sos ogros e cun sos senso.

Sas dunas artas e caentes las ant decraradas de manera ufitziale “Patrimòniu de s’umanidade” dae banda de s’Unesco e Natural Geographic l’at posta de reghente in sa classìfica de sas prajas prus bellas de su mundu. Custu tretu Est sa natura! In prus de su ghinnìpere, su modditzi, su lillu de mare e su gravellu de arena s’agatant su cherbu sardu e in sa riva (si tenides bona sorte) sos oos de sa tostoine de mare. Est unu privilègiu a pòdere bisitare sa praja de Piscinas e diat èssere de tontos a non bi nde aprofitare! In prus dae su 2018 l’ant reconnota comente praja naturista prus manna de Europa. Prus de 800 metros in ue si podet abarrare a un’ala e si lassare ninniare dae su durche e sa bellesa de sa Sardigna.

 

In sa provìntzia de Nùgoro b’at una de sas prajas prus incantosas de sa Sardigna. Est unu logu de ispantu e custu no est chi bi siat duda peruna. Sa praja est difatis decrarada “monumentu naturale” de sa Sardigna in su 1993 e in su 1995 “monumentu italianu natzionale”. Nàschida dae una frana de su 1962 Cala Goloritzè est connota mescamente pro s’arcu naturale chi s’aberit in sa parte dereta de sa baja e pro sa gùglia famada de Monte Caroddi, arta prus de 140 metros. S’arenàrgiu est fatu de coduleddas biancas e est de ispantu ca si crobat cun su colore mudaditzu de su mare: a bias asulu, àteras turchesu, un’àtera borta birde ismeraldu. Est sa praja prus fotografada dae s’Ogiastra in prus chi a in antis in sas classìficas de sas prajas prus bellas de Italia in TripAdvisor. Pro bi lòmpere si podet incarrerere sa caminera de trekking cun sa mirada ispantosa subra sa caleta.

 

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

 

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español