Una de sas prajas sardas chi mudant de prus! Una mesuluna de arena longa duos chilòmetros cun graneddos fines de unu colore ambradu. Cunforma a su bentu mudat su colore de su mare e sas formas de sas dunas chi bi sunt a palas ue crescehnt sos lillos de mare. Su mare cristallinu suo est treuladu dae su bentu fitianu e dae sas undas artas chi lu faghent unu logu pro su surf e su windsurf. Unu mare neghidadu ispantosu chi nos at chertu mustrare totu sa fortza sua e sa potèntzia ispetaculare! A palas suas in prus de sas dunas, agatamus unu iscenàriu ispantosu  de su lagu Baratz, chi est cussu naturale ebbia de totu s’ìsula. Sa baja profunda de Porto Ferro s’agatat a sa parte ùrtima de sa Riviera de su Coraddu, duncas in sa costa Nord-Ocidentale de sa Sardigna. A bardiare sa praja bi sunt sas tres turres mannas de avistamentu ispanniolas fraigadas in su de XVII sèculos contra de sa  menetza saracena.  Sa baja est amada pro sa bisura areste sua chi nuscat de natura e libertade. Seberada intre de sas prus bellas de sa Sardigna dae su touring Club Italia e prus “sustenìbile” dae sa FEE, premiada cun sa Bandera Blu in sos tres annos 2016-18. Sa parte setentrionale acante de sa turre Bianca est frecuentada dae sos amantiosos de su naturismu posta in su portale web inglesu de biàgios e vacàntzias Skyscanner a su de chimbe postos intre de sas prajas nudistas prus bella de Europa. Sa praja de Nora est tra sas prus ispantosas de Pula. S’agatat a pagu tretu dae sas ruinas antigas de sa tzitade de Nora, tzitade antiga e sa prima Fenìtza de Sardigna , ue b’at sa Turre de Costellazzo e chi galu oe si nde podent gosare sos restos. Sas abbas ispantosas de custa praja presentant colores chi mudant intre de su birde ismeraldu e s’asulu cun unu fundale bassu e arenosu e sunt su logu seberadu pro immersiones subàcueas. Sa praja de Nora est in prus piessinnada dae s’arena bianca e indorada cumpata chi ingalat cara a sa riva. Sa particularidade de custu tretu de costa est chi resessit a crobare sa bellesa de su mare cun s’incantu de s’archologia. A palas suas agatamus sa crèsia de Sant’fis intitulada a su màrtire gherreri amadu dae totu sos sardos chi nde faghent sa festa su primu de maju. T.C. Attività realizzata col contributo della Regione Sardegna – IMPRENTAS 2020-2021. LR 22/2018, art22