Italia Eventi 24
LinguaIT
Prajas de Sardigna: Porto Pino e Masua

In sa costera de su Sulcis b’at una de sas prendas non petzi de sa Sardigna ma de totu su Mediterràneu. Semus faeddende de Porto Pino, longa belle 4 chilòmetros e partzida pro su prus in duas prajas chi s’assimìgiant. A passigiare in custu tretu de costa at a èssere unu biàgiu meru e sìncheru: ais a pòdere mòere dae su portigheddu de piscadores pro lòmpere a sas dunas famadas e artas chi sunt a làcana cun Is Arutas. Lassade-bos abratzare dae su nuscu de su mare e dae cussu de s’opinu: inoghe sa natura est mere e bois podides gosare de sa paghe verdadera de sos sensos. Isterride-bos in custa a rena, serrade sos ogros e ais a immaginare de bos agatare subra de una nue, de cantu est fine e modde. Su mare est che a unu paesàgiu esòticu; sos Carabines no ant a èssere gasi a tesu ca at a bastare a arribare a Porto Pino! Su fundale bassu agiudat a giogare a sos pipios; ma sa praja l’amant fintzas sos surfistas, sos driver e sos amantiosos de pisca isportiva. Unu logu de incantu  aberu: unu ecosistema ambientale in armonia intre de mare, dunas, vegetatzione e lagunas.

Masua s’agatat a 95 metros dae su livellu de su mare e est una insenadura ispantosa de sa fratzione costera igresiente. Su tretu de costa est ùnicu pro s’ispetacularidade de su mare suo e de sos faralliones; s’isterret dae su gulfu de Gonnesa fintzas a Bugerru e est belle a seguru una de sas litoràneas prus bellas de Sardigna. Su mare tirat cara a colores che a su ismeraldu fintzas a su blu cotu de su fundale. Unu fundu arenosu e pimpirinadu dae iscòllios animadu dae sa vida marina. Sa praja de Masua est in mesu de custu mare ispantosu paris a s’ìsula manna  de Pan di Zucchero (arta 133 metros e oe monumentu naturale), logu amadu dae sos amantiosos de climbing. Non petzi custu, pro mèdiu de sos operadores turìsticos inoghe s’ant a pòdere bisitare sas grutas simigiantes de sas gallerias. Sa praja fiat istada in tempus coladu unu portu naturale e una localidade minarària; in su parte manca difatis si podet bisitare Porto Flavia chi est una istrutura de importu pro s’isparghinada de su minerale in sos annos chimbanta.

 

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español