Italia Eventi 24
LinguaIT
Prajas de Sardigna: Praja de Sant’Andrea e Cala Cipolla

Sa cala de s’Asinara si distinghet pro sas rocas de granitu e una praja ispantosa cun unu mare chi oferit una graduatzione infinida de colores, dae s’asulu a su turchesu. Sa praja de Sant’Andreas’agata in s’ìsula propriu inoghe, in custu logu de incantu e màgicu in prus chi est patrimòniu naturale de Sardigna. Essende duncas unu Parcu Natzionale est abertu a cada genia de bisitadore, bastis chi respetet sa natura! Difatis pro amparare sos paesàgios galu incontaminados de su totu, unas cantas leadas de s’ìsula no las ant lassadas abertas o sinono in parte e tocat a respetare custas règulas si non si cheret leare una multa. Est su chi acuntesset in custa praja, classificada comente zona “A” e duncas non si podet intrare a modde, fàghere immersiones subàcueas, navigatzione, ancoràgiu, ormègiu e pisca.  B’at su tantu de la bisitare e si podet castiare tranchillos sena andare contra perunu divietu. Bos aias a prenare sos ogros de custa bellesa infiida. Bi si podet lòmpere pro more de sa “caminera de su granitu”, chi moet dae su molu de Fornelli pro arribare in sa parte Sud-Orientale de s’ìsula. S’Asinara isbabàrriat galu una borta su sipàriu ispantosu mustrende totu s’incantu suo a su mundu intreu.

 

Intre de sas prajas de Chia b’at a seguru cussa prus amparada de su bentu; Cala Cipolla t’at a fàghere pasare cun su mare calmu e s’arena sua indorada. Sas rocas rujas faghent sa cala galu de prus distinta, chi est giai de sesi bella meda, lìmpia e cun paga posidònia arrimada. Mancari chi siat minoredda est ampra meda, pronta a acollire chie si siat la chèrgiat bisitare. Non tenet servìtzios meda e tenent paritzas prajas prua mannas, fintzas in sa matessi leada de Chia; in Cala Cipolla b’at petzi unu chioscheddu mòbile. Custu peroe cheret nàrrere fintzas prus tretu a sa natura e sena sa presèntzia infadosa de s’òmine! Pro chie aprètziat sas bìsitas panoràmicas, su promontòriu de Capo Spartivento, ue si nche pesat unu faru, si podet lòmpere a una caminera chi bos at a giùghere in artu e bos at a istrinare una mirada ispantosa. Ais a abarrare cuntentos. A palas de sa caleta agatamus unu padenteddu biatzu de opinu e ghinnìpere. Nuscos de mare e de monte, sa paghe de sos sensos.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español