Italia Eventi 24
LinguaIT
Prajas de Sardigna: Praja “dei Ciottolini” e Porto Paglia
Gonnesa

Sas grutas de Netuno sunt intre de sos istampos marinos prus mannos de Itàlia; custa meravìllia geològica nche batit cada annu prus de 150 mìgia bisitadores dae totu su mediterràneu. Sa formatzione issoro nche torrat a belle duos milliones de annos a como, intamas s’iscoperta issoro l’ant fata in su de XVIII sèculos, dae banda de unu piscadore catalanu chi traballaiat in ie acanta. Sas grutas s’isvilupant de manera orizontale pro belle 4 chilòmetros a sa matessi artària de su mare e sa caminera turìstica in intro de custas est longa pagu prus o mancu unu chilòmetru. Pro more de custa as a pòdere bisitare su lagu suterràneu bellu a beru chi li narant “Lagu Lamarmora” unu intre de sos lagos salidos prus mannos de Europa. Custu acabat cun una prajetedda de arena bianca-bianca chi li narant “Spiaggia dei Ciottolini” ca unu tempus fiat tutada de su totu dae còdulas. Sa caminera chi t’at a giùghere a s’acabu a su mare nòrdicu bellu a beru de Sardigna est ùnica de su totu: inoghe totu est bestidu de galania. Paret chi sa natura apat recamadu custu ungroneddu de paradisu e nos l’apat istrinadu.

S’òasi chi agradat a totus: dae sos amantiosos de su pasu a sos esploradores prus curiosos; dae sos prus romànticos a sos amantiosos de isport marinos che a su kite e su wind surf. Sos montrigheddos suos nche lòmpent finas a su mare cun iscollieras calcàreas chi tirant a su colore birde. In antis de s’arenàrgiu b’at una costera arestada e de incantu. Oru-oru de sa costa de Gonnesa, postu intre de sas costeras de s’Igresiente, in su Sud-Ovest de Sardigna…semus chistionende de Porto Paglia! Custa baja leat su nùmene de sa tonnara antiga chi istupat dae su paesàgiu, chi est de su de XVIII sèculos e pro duos sèculos est istada una de sas prus produtivas de su Mediterràneu. Su bidditzolu turìsticu chi b’at in custa leada comomai dae su de XX sèculos, no est àteru chi sa restruturatzione de su cumplessu mannu fatu de domos de sos tonnàrgios e dae sa darsena. Sa praja est longa belle mesu chilòmetru e est fata de arena crara cun isfumaduras indoradas e rias rosas cajonadas dae sos minerales ammesturados a sos granigheddos. Su fundale est bassu e arenosu e posca profundu cun còdulas.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

 

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español