Italia Eventi 24
LinguaIT
Prajas de Sardigna: Rena Majore de sa Nurra e Putzu Idu
Cagliari

Sa cunformatzione de sa Praja Rena Majore, nos faghet pensare a una caleta bastante manna e difatis bi nche podent istare unas 400 persones. Nointamas totu custu si chistit che a unu ungroneddu de paradisu, de mudìmine e pagu abbitadu. S’isterret in sa parte de sa costera de sa Riviera de su Coraddu e est posta pagu prus a Nord de Lampianu. Sos granos grussos suos e indorados si crobant cun tonalidades asulas e lìmpias de su mare suo. A palas suas s’at a pòdere mirare una natura incontaminada e areste, cun mata mediterrànea. Tocat a parchegiare in sa parte arta de s’iscolliera pro sighire posca a pee in s’àndala tremenosa chi colat in s’oru de sa costera. Mancari siat peleosu deretu bida at a èssere amore luego e bos at a torrare su pèrdidu cun unu panorama de nche leare s’alenu. Sa distàntzia e s’isulamentu la faghent galu prus adata a sos amantiosos de s’aventura.

Sa Praja de Oputzu Idu tenet unu mare lìmpiu  a beru e cun colores caraìbicos, cun una majoria de colore turchesu. S’acotzat in una isterrimenta de arena de cuartzu, bianca e modde e sos fundales suos bassos meda ingalant a lenu- a lenu lassende isfumaduras de colores de a beru ispantosos. Faghet parte de s’Area Marina amparada de sa Penìsula de su Sinis e comente in totu su Sinis pro more de su bentu si formant undas chi snt una atratzione pro sos surfistas. Custu tretu de costera est ispantosu a beru: ponent paris unu muntone de prajas e de ambientes totu diferentes intre de issos. Sende bastant frecuentada in estiu, est unu logu de eventos turìsticos e de servìtzios. Unu de custos est sa gita chi non si nde podet fàghere a mancu a s’ìsula serente de Malu Entu chi si pesat a sa sola in su Sud.Ovest de su promontòriu. In prus a fàghere galu de prus ispantosu su paesàgiu b’at unu tretu astrintu de graneddos fines meda de cuartzu chi est longu belle duos chilòmetros. Custu ischìrriat su mare turchesu dae su stàinu “sa Salina Manna” habitat de flora e fàuna amparada e intre de custos in beranu sos mangones rosa e àteras genias raras de pugiones.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español