Italia Eventi 24
LinguaIT
Prajas de Sardigna: Sa praja de La Licciola e su Lidu de s’Alighera

Sa praja de La Licciola s’agatat in sa parte prus a fundu de su Nord-Est de Sardigna, in sa leada de Lungoni. Est una cala chi resurtat mannitedda e est amparada dae rocas allisadas dae su bentu; su logu ue est posta est ispantosu e mirat cara a sas ìsulas de Spargi e Budelli famadas. S’arenàrgiu si distinghet pro s’arena bianca (e in unos cantos tretos belle indorada), chi si nche ingalat a lenu-a lenu a fundu de mare. Sa profundidade de su fundale abbassat a bellu-a bellu e resurtat una costa de abba pagu profunda. B’at una limpiesa ispantosa ca non s’agatant posidònias arrimadas. Su mare in prus est ricu de pische chi nadant a grùstios e sena tìmere a chie est in modde. Sa praja non la connoschent in medas e duncas b’andat pagu gente. Pro custu l’aprètziant sos chi b’andant chirchende pasu. Sa Praja de La Licciola chistit su naturale suo de soledade e  de agrestùmene sìncheru, in ue b’ant matas e fundos mediterràneos acumpangiados dae sos lillos marinos. Duncas adata a chie bolet a s’ispantare.

A s‘àteru chirru, in su Nord-Ovest de Sardigna agatamus sa praja manna de una tzitade: su Lidu de s’Alighera (una de sas prendas de da Costera de su Coraddu). Serente a su centru istòricu, bi si podet lòmpere a pee e cun su telu de mare a coddu. Est a disponimentu in prus una “passigiada Busquet” chi t’at a giùghere in deretura a s’isterrimenta de arena indorada tìpica de sas prajas de cussos chirros. Su mare a fùrriu a sa tzitade de S’Alighera dèchida, prus a notu cussu de su Lidu de San Giovanni, tenet unu fundale bassu e lìmpiu, cun tonalidades de birde ismeraldu, asulas e turchesas.T’at a ispantares’arenàrgiu ampru dae ue si podet mirare su promontòriu de Capo Caccia, longu tres chilòmetros, cun làcanas in sa parte sud dadas dae su portu turìsticu e in sa parte nord dae s’ospidale marinu. Su Lidu est una praja siat lìbera chi atretzada: difatis bi sunt sas atretzaduras pro su campègiu e adatu pro famìlias e pipios , chi podent gosare de su parcu de giogos de abba a pagos metros dae sa riva. De non pèrdere s’ocasione de bisitare sas atratziones architetònicas e culturales in intro de bidda. Su Lidu de San Giovanni, sende chi est postu in prus serente a unu de sos centros turìsticos prus amados e famados de Sardigna cun filares de parmas, lu cunsiderant sa praja pro antonomàsia de sa tzitade sardu-catalana (chi li narant Barceloneta)

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español