Italia Eventi 24
LinguaIT
Prajas de Sardigna: Santa Margherita e Coccorocci

A tesu dae sas prajas luadas de gente a isticu ma serente a casteddu b’at un’òasi pro sas vacàntzias cun assèliu: santa Margherita. S’isterret pro  belle deghe chilòmetros e est cumposta dae una filera de bajas e de prajas minores intreveradas dae sos iscòllios de promontorieddos. A pustis chi s’intrat in su bidditzolu, cun totu sos servìtzios a istadu e comfort chi sa localidade turìstica oferit, ais a iscobèrrere tando prajas de a beru ispantosas de arena bianca meda, chi si distinghent pro sas pinetas galanas a palas (adatas pro umbragu in su meigama). At a fàghere praghere a la bisitare non petzi ca ais a tènnere sa possibilidade de intrare a modde in abbas cristallinas e turchesas, ma fintzas ca ais a pòdere cumpartzire su prexu de sos turistas, famìlias e pipios chi amant custu logu! Si l’ais giai bisitada a seguru ais a torrare.

Longa belle 4 chilòmetros sa praja de Coccorocci est posta a pee de su Monte Ferru in sa costa orientale de sardigna. Piessinnada dae unu cuntestu naturalìsticu ispantosu a beru: sa praja est amparada a Nord dae sa punta Capo d’Asta e a Sud dae su promontòriu de Capo Sferracavallo. Est fata belle de su totu de còdulas allisadas de orìgine vulcànica. Sunt de colores diferentes: dae su biancu a su rosa, dae su murru a su birdastru e ingalant intrende in su mare lìmpiu. Est petzi pro more de sa puresa de s’abba chi si podet castiare su fundale ricu de flora e de fàuna marina. Inoghe istant difatis paritzas ciogas de mare chi li narant cocorrocius chi sa praja nde leat su nùmene. Cussa de Coccorocci est sa praja de còdulas prus manna de sardigna e est indurriada dae iscollieras apuntidas de pòrfidu ruju chi s’isterrent in bajas minoreddas. Ispantosu est su panorama suo de Monte Ferru a Cartucceddu chi belle reuent in sa costera cun rocas e padente tìpios. Famadu meda est in prus su “Camping Coccorocci” chi s’agatat in custu logu ispantosu chi amus contadu como. Custa aventura est pensada cun sa punna de bos ofeèrrerer s’esperièntzia mègiu de sa Sardigna nostra bella.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español