In su comune de Cùglieri, in provìntzia de Aristanis, s’agatat una fratzione marina chi li narant “S’Architu” chi leat su nùmene suo dae s’arcu naturale de roca mannu e ispetaculare chi si biet dae sa baja artu unos 15 metros. S’iscolliera bianca meda modellada dae su bentu non faghet àteru chi indechidire su tretu giai de sesi eciseri pro su mare suo. A s’intrada a s’àteru chirru de su burgu turìsticu, cussu a Sud, s’isterret sa praja Stella, unu arenàrgiu astrintu e longu de arena crara e su mare suo de unu asulu forte e de unu birde lughente tìpicu de sa mata mediterrànea; intrat in su coro de totus. Sa localidade in prus chi est istada ispiratzione pro paritzos registas italianos e celebrada dae iscritores che a Giovanni Corona e Flavio Soriga, est istada fintzas teatru de su Campuionadu mundiale de tufos dae sas artària manna in su 2001. In sos meses istadiales est illuminada a s’iscurigadòrgiu creende una atmosfera màgica. Sa paristòria contat chi unu fulanu Pepinu, òmine betzu piscadore, bagamundaiat in sas prajas de Castiadas e de Murera finas a cando no aiat bidu unu iscòlliu curiosu a làcana de custos duos comunes. E si narat gosi cussu iscòlliu chi isse amaiat gasi meda: sa praja de su Scoglio di Peppino est cunsiderada una de sas prus bellas de sa Sardigna. Custa roca de granitu chi si pesat dae su mare formende una pischina naturale ispantosa, corpit gosi meda pro sa particularidade de sas formas suas, ma mescamente pro sas isfumaduras cromàticas de su mare. Bos at a lassare a buca aberta! Sa praja est famada in prus chi pro sos fundales suos, lìmpios meda chi nde podes bìere de su totu su fundale fintzas sena intrare a modde. A sa praja bi si podet lòmpere petzi a pee pro mèdiu de  una passigiada praghile panoràmica, in s’àndala sinnada dae sos passigiadòrgios de linna. Acò tando chi cumentzant a cumprèndere comente mai Pepinu fiat gasi innamoradu de custu paesàgiu! T.C. Attività realizzata col contributo della Regione Sardegna – IMPRENTAS 2020-2021. LR 22/2018, art22