Italia Eventi 24
LinguaIT
Prajas de Sardigna: Tavolara e Poeto

Unu monte calcàreu longu 4km e largu 1km: a fùrriu de s’ìsula de Tavolara b’at una atmosfera de incantu chi inghìriat totu sos chi la connoschent. Si diat pòdere nàrrere brullende “su Rennu prus minore de su Mundu”. Intre de su Setighents e cumentzende s’Otighentos, unu pastore genovesu chi si mutiat Giuseppe Bertoleoni sii fiat aposentadu in s’ìsula discoidada e aiat sighidu sa faina sua de pastore cun sas crabas arestes. Una die peroe fiat lòmpidu a s’ìsula su Re de Sardigna, Carlo Alberto de Savoia chi aiat atobiadu a su pastore, e sisse ebbia chi istaiat in ie, e l’aiat proclamadu a brulla “Re de Tavolara”. Dae tando comintzat sa paristòria chi bos at a acumpangiare in sinteri de su biàgiu. S’ìsula de Tavolara s’agatat in su Gulfu de Terranoa, in sa parte Nord-Orientale de Sardigna, si pdet lòmpere moende siat dae su portu de Terranoa chi dae Porto San Paolo. A b’arribare est simple meda, bi sunt paritzas cumpannias locales chi impreant sos traghetos pro acumpangiare sos bisitadores. Nde b’at su tantu a beru. Su logu est amparadu e incontaminadu, cun fundales bassos, mare cristallinu e arena ruja. Adata a sos amantiosos de diving chi podent tènnere sa bona sorte de atobiare in sas immersiones issoro genias de animales che a su gurfinu cun su nasu de ampulla e sa tostoina marina.

 

La connoschimus totus:est una de sas prajas tzitadinas prus connota de Sardigna. Est longa unos oto chilòmetros dae Casteddu fintzas a Cuartu e pro sos casteddajos e cuartesos est una tapa chi non si nde podet fàghere a mancu in totu s’annu. Si non si podet intrare a modde ca b’at fritu o bentu, si podet gosare de su servìtziu de chioscos-bar e de sos ristorantes de calidade chi s’acarant in su mare. De locales nde bi sunt a deghenas e de cada genia, pro ofèrrere disvagu cunforma a su chi disìgiat sa gente a oràrios e edades diferentes. Cun sa “Sedda de su Dimmòniu” pasada subra s’abba sua asula lughente, su Poeto tenet una istòria longa pro su chi pertocat sas famìlias e sas generatziones chi bi fiant in estiu in antis chi esserent mòidu sos “casotos” colorados in su 1986. Sa passigiada serente a sa praja est frecuentada meda a totu sas oras. Giai dae s’impuddile b’at chie ciaciarrat a gelatu in manos o s’allenat o cun pipios chi current in bici e pitzocos cun sos monopàtinos; su sero intamas cumentzat sa movida verdadera de sos casteddajos cun sos locales e sas discotecas.

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español