Italia Eventi 24
LinguaIT
PRÈMIU ANDREA PARODI: SU 14 E 15 DE MAJU IN CASTEDDU SAS FINALES DE SA DE 13 EDITZIONES

S’ant a fàghere su 14 e su 15 de maju sas finales de sa de 13 editziones de su Prèmiu Andrea Parodi, s’ùnicu cuncursu europeu de world music, chi si depiant fàghere in su mese de santandria de s’annu passadu e chi las aiant transidas pro more de s’emergèntzia sanitària.

Sa manifestatzione, ghiada dae Elena Ledda, l’ant a acasagiare in su Teatro Si’ e Boi de Ceraxius (Casteddu). At a cumentzare a sas ses de sero ambas duas sas dies e l’at a trasmìtere in streaming sa pàgina de sa Fundatzione Andrea Parodi, chi cuncordat s’addòbiu.

Sos binchidores los at a seberare una Giuria tècnica (formada dae espertos, autores, musitzistas, poetas, iscritores e cantautores) e una Giuria crìtica (fata dae giornalistas e crìticos musicales). In ambas duas sas giurias, comente in sos annos passados, bi sunt espertos de gabbale de su setore, unos cantos presentes in sala, àteros collegados in lìnia.

Su prèmiu est nàschidu pro ammentare a Andrea Parodi, grandu artista de sa world music italiana e internatzionale, mortu 15 annos a como.

In s’interis, in lìnia s’agatat su bandu de cuncursu de sa de 14 editziones, chi sas finales sunt in programma in Casteddu dae su 7 a su 9 de santugaine. Su bandu est a disponimentu in s’indiritzu www.fondazioneandreaparodi.it e est abertu a artistas de totu su mundu. S’iscritzione est gratis. S’iscadèntzia est su 31 de su mese de maju 2021.

Sa domanda pro s’allistare cheret mandada cun su format chi s’agatat in www.fondazioneandreaparodi.it (pro informos: fondazione.andreaparodi@gmail.com).

De totu sas iscritziones chi ant a lòmpere una Cummissione artìstica at a seberare, a manera anònima, dae chimbe a deghe finalistas.

A su binchidore l’ant a tocare unos cantos bonos, intra de custos una filera de cuntzertos e de partetzipatziones a unos cantos fèstival cumpàngios de su Prèmiu Parodi in su 2022. In prus, l’ant a dare una bussa de istùdiu de 2.500 èuros. A su binchidore de su prèmiu de sa crìtica, imbetzes, l’ant a fàghere unu videuclip professionale de sa cantzone in cuncursu, pagadu dae sa Fundatzione Andrea Parodi.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español