Italia Eventi 24
LinguaIT
Presentada de su progetu “Katastrophé. Meledos in contu de sos disacatos perinatales, foras de su chi pensat sa gente”

Unu libru e unu web doc ùnicos in Itàlia faeddant de su pensu fitianu de sa gente ligadu a su si fàghere genitores, invitende a ddu propassare.

Sàbadu 27 de martzu, a sas tres de borta de die, in dereta streaming in sa pàgina Facebook Perinatal Web Doc e in su canale You Tube chi tenet su matessi nùmene, s’at a presentare “Katastrophé”, progetu pensadu e contivigiadu dae sa psicòloga esperta de situatziones perinatales e istudiosa de fotografia sòtziu-contadora Gisella Congia.

Su progetu “Katastrophé. Meledos in contu de sos disacatos perinatales” lu formant unu libru e, in sa prataforma virtuale de su Perinatal Web Doc, su primu web doc in Itàlia in contu de sa chistione, pro aprofundare mègius sa simana perinatale (cussa chi movet dae s’ingendramentu a su primu annu de vida de su pipiu). Est un’invitu a lassare istare sa manera de pensare fitiana chi portat a cunsiderare “istrambu” o “non de giudu” a unu genitore chi tenet unu cumportamentu diferente dae cussu chi si pensat “giustu” e, duncas, a meledare in contu de sas chistiones de custa simana de sa vida.

In s’addòbiu de sàbadu Gisella Congia at a presentare su progetu faeddende-nde cun sa giornalista de s’Unione Sarda Francesca Figus. Sa resonada l’at a ghiare Deborah Succa.

Su Perinatal web doc, chi at a èssere disponìbile dae su 27 de martzu, est una prataforma interativa virtuale chi regollet materiales didàticos/informadores/de arte e cultura in contu de sa chistione de sa simana perinatale, pro los lèghere a 360°. B’at a àere intervistas a espertos, a mamas e babbos noeddos, ma fintzas sos podcast de sa prima rubrica in contu de su perinatale fata in sa ràdiu (Akua’ba. Si fàghere genitores foras de su pensu fitianu de sa gente, binti puntadas trasmìtidas in su 2020 in Radio X) e àteros documentos chi ant a arrichire sa prataforma.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español