Italia Eventi 24
LinguaIT
Progetu isperimentale de un’acòrdiu de collaboratzione intra de tzitadinos e istitutziones pro s’amparu de su patrimòniu de sos archìvios de Sardigna

Sa Subrintendèntzia Archivìstica de Sardigna, a manos de pare cun sos Archìvios de Istadu de Casteddu, Nùgoro, Aristanis e Tàtari, e cun su LABSUS – Laboratòriu pro sa sussidiariedade, promovet su progetu isperimentale de un’acòrdiu de collaboratzione intra de tzitadinos e istitutziones pro s’amparu de su patrimòniu de sos archìvios de Sardigna.

Sa faina est cumentzada su 13 de abrile cun s’addòbiu cun Gregorio Arena, presidente de LABSUS e autore de su libru intituladu “Sos miradores de sa bellesa. Contivigiare sos benes a cumone. Un’acòrdiu pro s’Itàlia intra de tzitadinos e istitutziones” (2020).

Cun custa initziativa si cheret incarrerare in Sardigna unu caminu cumpartzidu intra de istitutziones istatales, entes locales e tzitadinos pro su contivìgiu de sos archìvios pùblicos, a manera articulare de cussos comunales, comente a bene a cumone, faghende fainas cumpartzidas chi favoressant s’amparu e s’avaloramentu de custu patrimòniu culturale de totus, su prus de sas bortas lassadu a sa sorte sua.

 

Su laboratòriu pro sa sussidiariedade LABSUS, chi si nd’est incuradu de acòrdios meda intra de tzitadinos e comunes, frunit un’agiudu metodològicu a su progetu.

Sa Subrintendèntzia Archivìstica de Sardigna, camba de su Ministeru de sa Cultura chi si nde incurat de s’amparu de sos archìvios, de acòrdiu cun sos Archìvios de Istadu sardos, promovet su progetu e s’incarreru in su territòriu de fainas de cooperatzione intra de tzitadinos e amministratziones.

Sa faina podet contare a subra de s’agiudu de sos Archìvios de Istadu de Casteddu, Nùgoro, Aristanis e Tàtari.

Sunt invitados: amministradores locales, assòtzios de tzitadinos, professionistas de su setore culturale (prus che totu archivistas), istudiantes de s’Universidade e de s’Iscola de Archivìstica, Paleografia e Diplomàtica de s’Archìviu de Istadu de Casteddu, e totu cussos chi tenent in su coro sa sorte de sos archìvios, pilotos de sa memòria cumpartzida e de s’amparu de sos deretos.

a.i.g.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español