Italia Eventi 24
LinguaIT
Renzo Cugis piciocu de crobi

Ma in sardu si narat èdili o edìli? S’arrespusta si dd’iat a podi torrai Renzo Cugis, chi est unu peritu edìli de Cabuderra (eja, sa pronùntzia giusta est edìli). Ma Cugis no est cussu sceti ca est unu muntoni de atra cosa puru. E intza’ pischeus in deretura de sa biografia cosa sua. Anca est artixeddu e portat is pilus a colori ‘e cinixu, e tenit 40 annus de prus de 10 annus. Ddi praxit a cantai in sa banda L’Armeria dei briganti, impari a atrus ses piciocus po depi sonai 32 cordas, 3 peddis e 2 pratus, aici nant. Faint un’amesturu de swing e cantzoni de autori, frantzesa puru, ponendinci in mesu povintzas sa pubricidadi de sa televisioni. Cumenti a nai, contus e spàssiu cun Renzo Cugis funt sèmpiri assiguraus. E ancora est su 50% de su duo Filastrocche ‘n’ roll, ca s’atra perra est Gianfranco Liori.

 

Custu est unu progeteddu de cantzonis po fai spassiai a is pipius, e est bessiu giai in tres nùmerus, in paperi e in cd. At fatu su dopiadori in sardu po cartonis animaus e est girendi cun d-unu spetàculu chi si narat Sardi della pianura impari a Flavio Sòriga, aundi chistionant de is sardus e de sa Sardìnnia, cumenti si bieus nosu e cumenti si bint is atrus, tra unu fueddu e una sonada, ca Renzo s’arràngiat sonendi sa ghitarra puru. E difatis at tradùsiu in sardu finas cantzonis de Brassens, su grandu cantautori frantzesu babu de totu is cantautoris, Su gorilla po ndi nai una, chi in sardu benit a essi Sa martinica.

A prus de totu custu est fintzas su presentadori de Piciocus de Crobi, unu programa in sardu de Radio Rai Sardegna chi condusit impari a Lele Pittoni, boxi stòrica de is Ratapignata e imoi de Malasorti, presentendi fainas curturalis de totu sa Sardìnnia, dònnia giòbia a mesu dii e binti cincu. E duncas, ita boleis sciri atra cosa po andai a si dd’ascurtai?!

 

T.C.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español