Italia Eventi 24
LinguaIT
Rita Coruzzi presentat “SA GIUIGHISSA. ISTÒRIA DE LIONORA DE ARBAREE”

Chenàbura 1 de santugaine, a sas ses e mesa, Rita Coruzzi at a presentare in su giardinu de s’Antiquarium arborensu su romanzu suo “Sa giuighissa. Istòria de Lionora de Arbaree” (Piemme, 2021).

Simona Scioni nd’at a chistionare cun s’autora, mentras Guido Dorascenzi at a lèghere unos cantos tretos de su libru. Pro pigare parte a sa presentada tocat a tènnere su Lassapassare birde; sas intradas a s’addòbiu ant a èssere contadas e s’ant a respetare totu sas règulas de cumportamentu pro firmare s’isparghidura de sa Covid-19. Cumbenit a prenotare telefonende a su nùmeru 0783.71722. Si racumandat de arribare unu pagheddeddu in antis de s’ora de comintzu, pro si pòdere allistare cun àsiu e pro pòdere fàghere bene sa registratzione de sos presentes.

Su romanzu contat s’istòria de Lionora de Arbaree, una fèmina istravanada chi at dèpidu gherrare pro pòdere acumprire su bisu de su babbu: su de fàghere unu Rennu de Arbaree aunidu e indipendente. Ma est fintzas s’istòria de sa Sardigna de sos Giuigados, de una simana istòrica chi cun sa Carta de Logu apostivigaiat deretos e doveres modernos a beru pro èssere in cussu tempus. Unu mundu ispetziale, chi a bortas arriscamus de ismentigare e chi, imbetzes, est unu capìtulu de importu pro cumprèndere s’istòria nostra de Sardos.

 

S’autora est nàschida in Reggio Emìlia in su 1986. S’est diplomada in su Litzeu clàssicu de sa tzitade sua, s’at leadu sa làurea de tres annos in Lìteras e s’est ispetzializada in giornalismu in s’Universidade de Parma. At leadu parte a trasmissiones meda in ràdiu e in televisione e est istada sa fèmina prus giòvana chi at iscritu pro s’Osservadore Romanu. A 18 annos at publicadu su primu libru suo e, a pustis de àere iscritu unos cantos sàgios, at incarreradu a iscrìere romanzos istòricos comente a “Matilde”, in contu de sa vida de Matilde de Canossa. Cun su romanzu “Sa giuighissa. Istòria de Lionora de Arbaree” est lòmpida a sa de bìndighi publicatziones suas.

A.I.G

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2310 eventi pubblicati

783 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español