Italia Eventi 24
LinguaIT
Sa Festa de sas mammas: cando est e cale genia de frores si podent regalare

In su 2021 sa Festa de sas mammas est domìnigu 9 de maju. Custa festa est semper su de duos domìnigos de maju. A primìtziu sa data fiat firma, s’8 de maju, ma l’ant mudada siat pro chistiones cummertziales, siat pro chi la potzant afestare totus a discansu.

Non s’agatat una die aguale pro totu sos Istados in ue s’afestat: in duas partes de tres de custos Paisos s’afestat in su mese de maju, mentras in àteros Paisos s’afestat in martzu.

Sas fontes chi tenimus non sunt de acòrdiu in contu de sa data cando in Itàlia amus cumentzadu a afestare sa Festa de sas mammas: a pàrrere de calicunu sa festa a primìtziu fiat s’8 de maju, a pàrrere de àteros, imbetzes, dae semper sa festa si faghiat su de duos domìnigos de maju.

In su prus de sos Istados europeos, in sos Istados Aunidos, in Giapone, in Austràlia e in àteros logos meda sa festa ruet in su de duos domìnigos de maju; in Santu Marinu s’afestat su 15 de martzu; in Ispagna e in Portogallu la faghent su primu domìnigu de maju; in sos Paisos balcànicos s’8 de martzu; in Paisos meda arabos sa festa ruet imbetzes sa die de s’ecuinòtziu de beranu. In Internet s’agatat s’elencu cumpletu de sas datas de sa Festa de sas mammas in su mundu.

Comente si siat, unu regalu chi sas mammas agradessent meda pro sa festa issoro sunt semper sos frores.

Ma … de cale genia? Sos prus adatos abarrant semper sas azaleas, sas rosas, sas lillas, sos lìgios, sas orchideas, sos tulipanos, sos lèperes isposos, sas margaritas.

Ma, de seguru, a sas mammas lis at a agradare cale si siat manera pro lis torrare gràtzias de su chi faghent.

SardegnaEventi24.it

1692 eventi pubblicati

493 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español