Italia Eventi 24
LinguaIT
Sa Murra

A fitianu l’inditant che unu desafiu tostatzu e bàrbaru, espressada de sa violèntzia atàvica de sos pastores sardos, su giogu de sa murra est sena peruna duda una prova de fortza mentale chi tenet comente punna cussa de bìnchere a s’àteru cun abilesa lògica.

Sas règulas sunt bastante simples: duas crobas s’acarant gioghende in desafios unu contra a s’àtere in ue sos giogadores declarant a boghe manna su nùmeru e in su matessi tempus nde presentat un’àteru cun sos pòddighes de sa manu sua. Sa punna de su giogu est cussa de intzertare sa summa intre sos nùmeros presentados a sos ogros cun sos pòddighes suos e de s’aversàriu: si s’intzertat sa summa, su binchidore la fùrriat a giogare contra a s’àteru giogadore de sa croba aversària. Binchet chie lompet a unu nùmeru apostivigadu de puntos.

Est ladinu a cumprèndere chi custu giogu rechedit fraitzesa, lestresa gestualidade e trassa in prus de su naturale pròpriu de cumprèndere comente giogat s’aversàriu, cales sunt sas intragnas suas e comente bogat sos pòddighes.

In prus de sas temàticas petzi tècnicas de su giogu, tocat de ammentare a seguru cussas culturales e s’importu suo in s’intrada de sos giòvanos in sa sotziedade in sos tretos antropològicos chi sunt sas festas o sos atòbios pùblicos sardos.

Sa murra difatis est unu giogu gasi democràticu chi non bi sunt làcanas de edade o cale si siat rechisidu pro bi leare parte chi non siant petzi sa connoschèntzia de sas règulas e su cuncordu cun su cumpàngiu de iscuadra e cale si siat croba de pitzinnos podet bìnchere fintzas a sos giogadores prus mannos e espertos.

Custa variàbile chi lassat a nche colare, cun respetu, fintzas a gente prus manna mustrat chi sa murra est unu giogu parìvile pro totus.

Non tocat de ismentigare su contadore: isse est s’àrbitru e assegurat sa regularidade de su giogu, e est respetadu pro su ruolu chi tenet in su giogu.

M.B.

Attività realizzata col contributo della Regione Sardegna – IMPRENTAS 2020-2021. LR 22/2018, art22

Redazione SardegnaEventi24.it

Redazione SardegnaEventi24.it

2312 eventi pubblicati

786 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español